တပ်အတွင်းဝင်ရာတွင် အဆင်မ​ပြေဖြစ်​ခဲ့ရသည့်​ ဗိုလ်​ချုပ်​

အချိန်ကား
မွန်းတည့် ၁၂ နာရီခန့် ဖြစ်သည်။

ကျနော်သည် ကင်းရုံကလေး၏
နောက်ဘက်တွင် ရပ်နေရင်း
ကိုယ့်ယူနီဖောင်း ကိုယ်ပြန်ငုံ့ကြည့်လိုက်
သည်။

 

ပြောင်လက်နေသော ခါးပတ်ခေါင်း
အရိပ်ပေါ်အောင် တိုက်ထားသော
စစ်ဖိနပ်ခေါက်ရိုးမကျိုးအောင်
တောင့်တင်းနေသော စစ်ယူနီဖောင်းနှင့်
ကျေနပ်နေမိသည်။

ထိုခဏ ကင်းစောင့်ရဲဘော်က
ကျနော့်ကို ချင်းဘာသာဖြင့်
လှမ်းပြောသည်။

” ဆရာ၊ ဟိုမှာ
လူတစ်ယောက်လာနေတယ် ”

” ဘယ်မှာလဲကွ ”

ကျနော် မျက်စိကစားရင်း ပြန်မေး၏။
ဟုတ်ပါသည်တပ်ရင်းဝင်းဝမှ
လမ်းကိုတားထားသော ဝါးလုံးအနီးတွင်
လူလတ်ပိုင်းအရွယ် လူတစ်ယောက်ကို
တွေ့ရလေသည်။ ကင်းရဲဘော်၏ အဖြေကို
မစောင့်တော့ပဲ ကျနော်လည်း ဝင်းဝကို
ပြေးထွက်သွားလိုက်သည်။

လူတယောက်ပါပဲ။
ဖျင်ပင်နီ တိုက်ပုံအင်္ကျီနှင့် ချည်ပုဆိုး
အကွက်ကြီးဝတ်လို့၊ သူခေါင်းမှာ
ဖော့ဦးထုပ်တစ်လုံးဆောင်းထား
သေးသည်။ လက်ထဲမှာ တုတ်ကောက်
တချောင်းက ပါလိုက်သေး။

” ရဲဘော်… ရဲဘော်၊ ကျုပ်ဝင်ခဲ့ချင်တယ် ”

” ခင်ဗျား ဝင်ခွင့်မရှိဘူး၊ ဒီနေ့ ကျနော်တို့
လူကြီးတယောက်လာဖို့ရှိတယ်။
ဒီလမ်းလယ်မှာ မရပ်ပါနဲ့၊ လမ်းဘေးကို
သွားပါ ”

ကျနော် အတော်တင်းသွားတယ်
ဘယ်နှယ့်ဗျာ၊ မြေကြီးမှာ ခြေရာမထင်
အောင် လှည်းကျင်းထားတဲ့ ဝင်းဝအလယ်
မှာ သူကရပ်လို့၊ ပြီးတော့
သူ့တုတ်ကောက်ကြီးနဲ့ မြေကြီးကို
ထောက်ထားလိုက်သေးတယ်။
ဒုက္ခပဲ၊ ခြေရာမထင်အောင် လှည်းထားတဲ့
နေရာတော့ ခြေရာတွေ ပွကုန်တော့မှာပဲ။
လူကြီးလာတဲ့အခါ ပွရှုပ်နေတဲ့ခြေရာတွေနဲ့ ဒီလမ်းကိုမြင်ရင် ငါတော့အပြစ်ကျတော့မှာ
ဧကန်ပဲ။

အဲသလိုတွေးပြီး
အတင်းကိုလက်ကာပြရင်း

” မလာနဲ့…. မလာနဲ့ ၊ လမ်းဘေးမှာနေပါ”

ကျနော်ထိုသို့ မျက်ကလဲဆန်ပြာဖြစ်နေ
သည်ကို ထိုလူက ခပ်အေးအေးပင်
ပြုံးကြည့်နေသည်။

ပြီးတော့မှ –

“မဟုတ်ပါဘူး၊ အထဲကို ဝင်ချင်လို့ပါ ”

သူက ပြောရင်းဆိုရင်း ရှေ့တိုးလာသည်။
ကျနော်ကလည်း တာဝန်အရ
အရေးတကြီးပင် တားနေသည်။

” ဟေ့လူ..၊
ဘယ်လိုလဲ၊ ပြောတာမရဘူးလား၊
ဒီမှာမနေပါနဲ့၊ ကျုပ်တို့ လူကြီးတယောက်
လာမယ်၊
လမ်းဘေးမှာ ရပ်နေပါ ”

” မေဂျာကပ်ကျောင်း ရှိသလား၊
ရှိရင်တွေ့ချင်တယ်၊ မေဂျာကပ်ကျောင်းကို
သွားခေါ်ပေးပါ၊ သူ့မိတ်ဆွေက
တွေ့ချင်တယ်လို့ ပြောပေးပါ ”

မြတ်စွာဘုရား၊
ဘယ်လိုလူနဲ့တွေ့နေပါလိမ့်။
တကယ့်ဇွတ်သမားပါလားဟ
အတင်းဝင်မယ်လုပ်ပြီး ဝင်မရတော့
ဗိုလ်မှူးကပ်ကျောင်းကို ခေါ်ခိုင်းနေတယ်
ဗိုလ်မှူးကပ်ကျောင်းရဲ့ မိတ်ဆွေဖြစ်မှာပဲ
ဟု တွေးမိကာ –

” ကောင်းပြီ၊ ဗိုလ်မှူးကို ခေါ်ခဲ့မယ်၊
ခင်ဗျားဒီမှာ ခဏနေခဲ့ပါ ”

သူက ခေါင်းငြိမ့်ပြသည်။
ထို့ကြောင့် ကျနော်လည်း တပ်ရင်းရုံး
သို့သွားပြီး ဗိုလ်မှူးကပ်ကျောင်းကို
သွားခေါ်ရသည်။ ခပ်လှမ်းလှမ်းရောက်၍
လှည့်ကြည့်တော့ ဝါးလုံးတန်းအနီးမှာ
သေသေချာချာရပ်ရင်း မရယ်မပြုံးဖြင့်
လှမ်းကြည့်နေလေသည်။

ဗိုလ်မှူးကပ်ကျောင်းထံ သတင်းပို့တော့
သူထလိုက်လာသည်။ ဗိုလ်မှူးကြည့်ရ
သည်မှာ မျက်လုံးပြူး မျက်ဆန်ပြူးနှင့်
ဖြစ်နေသည်။ ဗိုလ်မှူးကပ်ကျောင်းသည်
တပ်ရင်းရုံးခန်းအထွက်မှာပင် ဝင်းဝမှ
သူ့ကို လှမ်းကြည့်လိုက်ပြီးသည်နှင့်
ကျနော့ကို ချက်ချင်းအမ်ိန့်ပေးသည်။

” ဟေ…. အဲဒါ ဗိုလ်ချုပ်အောင်ဆန်းပဲ၊
တိုက်ချွန်း၊ မင်း ကင်းတပ်ဖွဲ့နဲ့ တန်းစီ
အလေးပြုပါ ”

ဗုဒ္ဓေါ၊
ကျနော့ငယ်ထိပ် မြွေပေါက်လိုက်လျင်
တောင် သည်မျှ ထိတ်လန့်မည်မထင်ပါ။
ကြုံရသည့် ဖြစ်စဉ်ကြောင့် ခေါင်းနပန်း
လည်း ကြီးသွားမိသည်။ ဘာလုပ်ရမှန်း
မသိဖြစ်နေရာမှ သတိပြန်ဝင်လာကာ
ကင်းတပ်ဖွဲ့ကို ချင်းဘာသာဖြင့်ပင်
အော်ဟစ်အမိန့်ပေးလိုက်သည်။

” စတင်းဇာ၊ ကပ်တွန်းနွန်း ”
(တပ်စိတ် အမြန်ဆုံးတန်းစီ)

ကင်းတပ်ဖွဲ့တန်းစီပြီး ခဏတွင်
ဗိုလ်ချုပ်အောင်ဆန်းနှင့်
ဗိုလ်မှူးကပ်ကျောင်းတို့နှစ်ဦး တပ်ရင်းဝမှ
လမ်းလျှောက်၍ ဝင်လာကြသည်။

” ဂျင်နရယ်ဆလု၊ ပရဲ့ဆင့်အမ်း ”
( ဗိုလ်ချုပ်ကို သေနတ်မြှောက်အလေးပြု )

ကျနော်တို့ ကင်းတပ်ဖွဲ့အလေးပြုသည်ကို
ဗိုလ်ချုပ်က အလေးပြုခံယူရင်း ပြုံးနေ
သည်။ ပြီးတော့ တုတ်ကောက်ကို
မြေမှာထောက်၊ ခေါင်းကို တဆတ်ဆတ်
ညိမ့်ရင်း ကျနော့ကိုပြုံးနှုတ်ဆက်သည်။

” ကောင်းတယ်ရဲဘော်၊
မင်းတာဝန်ကျေတယ်၊ ရဲဘော်ဆိုတာ
ဒီလိုမှပေါ့ကွ ”

သူက ပြုံး၍ပြောပေမယ့် ကျနော်မပြုံးနိုင်ပါ၊
ဘယ်ကထွက်လာမှန်းမသိသော
ချွေးသီးချွေးပေါက်များဖြင့် ယူနီဖောင်းတခု
လုံး ရွှဲနစ်နေလေတော့သည်။

ဇောချွေးဆိုတာ ဒါပဲဖြစ်မည်ဟုပင်
တွေးနေမိတော့သည်။

အော်.. ဗိုလ်ချုပ်ရယ်။

ကိုးကား// တက္ကသိုလ်စိန်တင်၏
ဗိုလ်ကြီး အောင်ဆန်းသူရိယတိုက်ချွန်း

.cred .ကြူတာ​အေး
8.15pm 14.1.2019
OO7

5 Shares

Add a Comment

Your email address will not be published. Required fields are marked *