မြစ်ဆုံ အရေး တရုတ် သံရုံး ကြေငြာချက်ကို ကချင်ခေါင်းဆောင်တို့ အပြင်းအထန် ကန့်ကွက်

5 Shares

ခုနှစ်နှစ်ကြာ ရပ်ဆိုင်းထားသော မြစ်ဆုံ ဆည် နှင့် ပါတ်သက်၍ ဒေသခံ ကချင် လူထုက ကန့်ကွက်နေခြင်း မဟုတ်ပဲ အချို့သော ပုဂ္ဂိုလ်များ နှင့် ပြင်ပရှိ လူမှုရေး အဖွဲ့အစည်းများကသာ ဆန့်ကျင်နေကြခြင်း သာ ဖြစ်ကြောင်း တရုတ် သံရုံးက ထုတ်ပြန်သော ကြေငြာချက်အား တုန့်ပြန် ကန့်ကွက် လိုက်ကြခြင်း ဖြစ်သည်။


တရုတ်​သံအမတ်​

 

အဆိုပါ ကြေငြာချက်အား တရုတ် သံအမတ် ဖြစ်သူ ဟောင် လီယန် မှ ဒီဇင်ဘာ နောက်ဆုံးပါတ်အတွင်း သွားရောက်ခဲ့ပြီးနောက်ပိုင်း ထုတ်ပြန်ခဲ့ခြင်းလည်း ဖြစ်သည်။

အဆိုပါ သံအမတ် နှင့် တွေ့ဆုံခဲ့ကြသော နိူင်ငံရေး ပါတီ များ နှင့် လူမှု အသင်းအဖွဲ့ ခေါင်းဆောင်များက အဆိုပါ ကြေငြာချက်သည် တိကျမှု မရှိဟု ပြောဆိုခဲ့ကြသည်။

တရုတ် သံအမတ် ဖြစ်သူမှ မြစ်ဆုံ ဆည် စီမံကိန်း အား နှောင့်နှေးရန် ဆက်လက် ပြုလုပ်နေခြင်းကြောင့် မြန်မာနိူင်ငံအတွင်း တရုတ် ကုမ္ပဏီများ ၀င်ရောက် ရင်းနှီး မြုပ်နှံလို စိတ် ကို ထိခိုက် လာနေရပြီဟု ပြောခဲ့သည်ဟု လည်း သတင်းများ ထွက်ပေါ်လာခဲ့ရသည်။


မစ္စတာဆင်​ဟွာ.တရုတ်​သံအမတ်​

 

 

“မိမိတို့ ပါတီမှလည်း လက်မခံ၊ ကချင် ပြည်သူများကလည်း သဘောတူခြင်း မရှိကြောင်း ကချင် ဒီမိုကရက်တစ် ပါတီ ဥက္ကဌ ဦးအောင်ခွမ်း မှ ပြောသည်ဟု သိရသည်။

အလားတူပင် ကချင် ဒီမိုကရေစီ ပါတီ ဥက္ကဌ မနမ် တူ ဂျာ၊ ကချင် မြို့ပြ အဖွဲ့အစည်း တခု၏ ခေါင်းဆောင် ဦးဆာချီ နှင့် ကချင် ဘက်ပတစ် ကွန်ဗင်ရှင်း အကြီးအကဲ ဆရာတော် ခါလမ် ဆန်ဆွမ် တို့ မှ လည်း အသီးသီး ငြင်းချက် ထုတ်လိုက်ကြကြောင်း မြန်မာ တိုင်းမ် နှင့် ဧရာဝတီ တို့တွင် ရေးသားထားခဲ့သည်။

အဆိုပါ မြစ်ဆုံဆည် တည်ဆောက်ရေး စီမံကိန်း နှင့် ပါတ်သက်၍ အစိုးရမှ သဘောထား ပြတ်ပြတ်သားသား ထုတ်ပြန်ခဲ့ခြင်း မရှိမှု နှင့် ဖြစ်ပေါ်လာသော ရခိုင် မြောက်ပိုင်း အကျပ်အတည်း အပေါ် ၎င်းတို့ ကာကွယ် ပေးခဲ့ရမှု များ အပေါ် အခွင့်ကောင်း ယူကာ တရုတ် တို့မှ အဆိုပါ ကိစ္စ အား ပြန်လည် အစဖေါ်ရန် ကြိုးပမ်းလာခဲ့ခြင်း ဖြစ်သည်။

၎င်းတို့အနေဖြင့် ယခုအခါ ယူနန် ပြည်နယ်တွင် လျပ်စစ်ဓါတ်အား များ လိုအပ်သည်ထက် ပိုလျံနေပြီး အခြား ဖြည့်တင်း စွမ်းအင် စီမံကိန်းများ အကောင်အထည်ဖေါ်လာခြင်းနှင့် စီးပွားရေးလည်း နှေးကွေးလာမှုများကြောင့် မြစ်ဆုံ ဆည်တည်ဆောက်ရေး သည် ယခင်ကလောက် အရေးမပါတော့ပေ။


ဒေါ်နွဲ့ကလျာ.တရုတ်​သံမှူးကြီး

 

ယခင် သမ္မတ ဦးသိန်းစိန်မှ ၂၀၁၁ တရုတ် အမျိုးသား နေ့ မတိုင်မီ တရက်တွင် ရပ်ဆိုင်းမည်ဟု ကြေငြာခဲ့ခြင်းကြောင့် တရုတ်တို့အဖို့ မျက်နှာကို ဖြတ်ရိုက်သလို ခံစားခဲ့ရကြောင်း တရုတ်အစိုးရပိုင်း သတင်းစာများ က ဒေါသတကြီး တုန့်ပြန်ခဲ့ကြဖူးပေသည်။

ထို့အတွက် တရုတ်တို့၏ ဂုဏ်သိက္ခာ အတွက် မြန်မာတို့ အနေဖြင့် အဆိုပါ ဆည်တည်ဆောက် ခွင့်ကို ခွင့်ပြုပေးရမည်လော။
Credit Hla soewai

5 Shares

Add a Comment

Your email address will not be published. Required fields are marked *