တရုတ်နိုင်ငံမှ အမြဲဖုံးကွယ်နေချင်သော Banqiao Dam ပျက်စီးမှု ^^^^^^^^^^^^^

၁၉၇၅ ခုနှစ်က တရုပ်နိုင်ငံ ဟီနန်ပြည်နယ် အနောက်ပိုင်းမှာ ကမ္ဘာပေါ်မှာ ဖြစ်ခဲ့ဖူးသမျှ သမိုင်းတလျှောက် အဆိုးဝါးဆုံးသော ဆည်ကျိုးပေါက်မူကြီး ဖြစ်ပွားခဲ့ပါတယ်။ လူပေါင်း တစ်သိန်းခွဲလောက် အသက်ဆုံးရှုံးခဲ့ပြီး အိုးအိမ် ဆယ်သန်းကျော် ပျက်စီးခဲ့ပါတယ်။ ဆည်က ထုတ်လုပ်ပေးနေတဲ့ လျှပ်စစ်ဓါတ်အား ၁၈၀၀၀ မဂ္ဂါဝပ် ပြတ်တောက်ဆုံးရှုံးသွားခဲ့ပါတယ်။

 

Banqiao Dam ကို ရူမြစ်ပေါ်မှာ ၁၉၅၀ ပြည့်​နှစ် အစောပိုင်းကာလတွေမှာ စတင်တည်ဆောက်ခဲ့ပါတယ်။ မြစ်ဝါမြစ်ဝှမ်း ​ရေလွှမ်းမိုးမူကာကွယ်ရေးနဲ့ လျှပ်စစ်ဓါတ်အား ထုပ်လုပ်ရေးအစီအစဉ်ရဲ့ အစိတ်အပိုင်းတခုအနေနဲ့ တည်ဆောက်ခဲ့တာ ဖြစ်ပါတယ်။ ရေကာတာအမြင့်ဟာ ၃၈၇ ပေ ရှိပြီး ရေပမာဏထုထည် ၁၇.၅ ဘီလီယံကုဗပေ သိုလှောင်နိုင်ပါတယ်။ ဒီဆည်ကြီးဟာ အနှစ်တစ်ထောင်မှာ တစ်ကြိမ်လောက်သာ ဖြစ်တန်စွမ်းတဲ့ အဆိုးဆုံးသော ရေကြီးမူဒဏ်ကို ခံနိုင်တယ်လို့ တရုတ်အစိုးရက ပြောခဲ့ပါတယ်။

ဒါပေမယ့် ကံဆိုးစွာနဲ့ပဲ အနှစ် ၂၀၀၀ မှာ တကြိမ်လောက်သာ ကြုံရနိုင်တဲ့​ရေကြီးမူကို ၁၉၇၆ ခုနှစ် သြဂုတ်လအစောပိုင်းမှာ ကြုံတွေ့လိုက်ရပါတော့တယ်။ တိုင်ဖွန်းမုန်တိုင်းနီနာကြောင့် မိုးသည်းထန်စွာ ရွာသွန်းပြီး ပထမတရက်ထဲမှာပဲ ရွာလိုက်တဲ့မိုးက လက်မ ၄၀ ​ကျော်ပါတယ်။ ဒါဟာ ဒီဒေသမှာ ပုံမှန် တနှစ်ပတ်လုံးရွာတဲ့ စုစုပေါင်းမိုးရေချိန်ထက် များပါတယ်။ ဒီလိုပုံစံမျိုးနဲ့ သုံးရက်ဆက်တိုက်ရွာပါတယ်။

သြဂုတ်လ ၈ ရက်နေ့မှာတော့ ဆည်ဟာ ကျိုးပေါက်သွားပြီး ၃၃ ​ပေ အမြင့်ရှိတဲ့ ရေလုံးကြီးတွေဟာ ဆည်အနီးဝန်းကျင် အနိမ့်ပိုင်းဒေသတွေကို တစ်နာရီမိုင် ၃၀ လောက်အလျင်နဲ့ အရှိန်အဟုန်ပြင်းစွာ ပြေးဝင်လာတော့တယ်။ ဆည်အောက်ပိုင်းမှာ ကပ်လျှက်ရှိတဲ့ Daowenchen ဆိုတဲ့ မြို့ကလေးဟာ ရေလုံးတွေရဲ့အောက်မှာ ချက်ချင်းဆိုသလိုပဲ ပျောက်ကွယ်သွားပြီး အဲဒီမှာ​နေထိုင်ကြတဲ့ မြို့သူမြို့သား ၉၆၀၀ စလုံး အသက်ဆုံးရှုံးသွားပါတယ်။

အဲဒီတနေ့တည်းမှာပဲ တိုင်ဖွန်းမုန်တိုင်းနဲ့ ဆက်စပ်ရေလွှမ်းမူဒဏ်တွေကြောင့် အဲဒီဒေသက အခြားဆည်နဲ့ရေကာတာ ၆၁ ခုလည်း Banqiao Dam လိုပဲ ကျိုးပေါက်သွားကြပါတယ်။ ရေလွှမ်းမိုးမူကြောင့် ​သေတဲ့သူက ၂၆၀၀၀ လောက်ရှိပြီး ဆက်စပ်ဖြစ်ပွားတဲ့ အစာရေစာပြတ်လပ်မူ၊ ရောဂါဘယတွေ​ကြောင့် ​သေတဲ့သူက တစ်သိန်းခွဲလောက် ရှိပါတယ်။ ကြိုတင်သတိပေးစနစ် မရှိတာ၊ ဆက်သွယ်ရေးစနစ်တွေ မကောင်းမွန်တာနဲ့ ရွှေ့ပြောင်းမှုတွေ ကြိုတင်မလုပ်နိုင်ခဲ့တာတွေက ဆုံးရှုံးမှုကို ကြီးမားသွားစေတာ ဖြစ်ပါတယ်။

ဒီဆည်တည်ဆောက်တဲ့ အချိန်တုန်းက အဲဒီစီမံကိန်းမှာ Chen Xing ဆိုတဲ့ သူ့ခေတ်သူ့အခါက ထင်ရှားတဲ့ hydrologist ပညာရှင်တစ်ယောက် ပါပါတယ်။ အာဏာပိုင်တွေဟာ သူပေးတဲ့ အကြံဥာဏ်တွေကိုမယူပဲ ကုန်ကျစရိတ်သက်သာအောင် ဘေးအန္တရာယ်ကင်းရှင်းရေး အတိုင်းအတာတွေကို လျှော့ချတည်ဆောက်ခဲ့တာ ဖြစ်ပါတယ်။ ဥပမာအားဖြင့် သူက ရေတံခါး ၁၂ ခုထားဖို့ တင်ပြပေမယ့် အာဏာပိုင်တွေက ၅ ခုသာ ထားခဲ့ပါတယ်။

Chen Xing ဟာ နောက်ပိုင်းမှာ ဆည်တည်ဆောက်ရေး Project ကနေ နှုတ်ထွက်သွားပါတယ်။

ဒါပေမယ့် ဆည်ကျိုးပေါက်မူကြီး ဖြစ်ပြီးနောက်ပိုင်း ဆည်တွေကို ပြန်ပြုပြင်တဲ့အခါမှာတော့ အစိုးရက သူ့ကို ပြန်ခေါ်ခဲ့ရပါတယ်။ ဒီဖြစ်ရပ်ဆိုးကြီးဟာ ပညာရှင်တွေရဲ့တင်ပြချက်ကို အလေးမထား ငါတကော​ကောပြီး ထင်ရာလုပ်တတ်တဲ့ အာဏာပိုင်တွေကြောင့် အသက်ပေါင်းများစွာ ပျက်စီးဆုံးရှုံးခဲ့ရတဲ့ အကောင်းဆုံးသာဓကတခုလည်း ဖြစ်ပါတယ်။

Credit:- မူရင်းဆရာ

8 Shares

Add a Comment

Your email address will not be published. Required fields are marked *