နောက်မှာ အစောင့်အရှောက်တွေပါသလို ကာလီမန်မယ်တော်၏ ညီမလည်းဖြစ်တယ်ဆိုတဲ့ Miss ခြူးစစ်ဟန်

လူ့ဘဝမှာမမြင်ရတဲ့ပရလောကရှိတယ်ဆိုတာယုံကြည်လက်ခံထားသူတွေရှိကြပါတယ်။ ကိုယ်တိုင်မကြုံဖူးဘဲမယုံဘူးလို့လည်းပြောနိုင်စရာမရှိပါဘူး။ ဥပါယ်တံမျဉ်ဇာတ်ကားမှာပါဝင်သရုပ်ဆောင်ထားပြီး Miss တစ်ယောက်အဖြစ်အဆိုတော်တစ်ယောက်အဖြစ်ရပ်တည်နေတဲ့ခြူးစစ်ဟန်ကတော့ သူကြုံတွေ့ခဲ့ရတဲ့ အတွေ့အကြုံကို ခုလိုပြောပြလာပါတယ်။

“ ရှုတင်ရိုက်ကွင်းတွေမှာ တော့ တစ္ဆေသရဲတွေနဲ့ကြုံတွေ့ရတာမရှိဘူး။ ညီမ Miss World ပြိုင်သေးတယ်။ Trip ထွက်တဲ့အချိန်မှာကော့သောင်း ဘက်သူဌေးကျွန်းအဲ့ကဟိုတယ်တစ်ခုမှာသရဲခြောက်တယ်။ဟိုတယ်ကအကြီးကြီးပဲဘုရားတွေလည်းမရှိဘူးအိမ်စောင့်နတ်လည်းမရှိဘူးဆိုတော့ သရဲတွေက နေစရာမရှိတော့ တွယ်ကပ်ပြီးနေကြတယ်။

ညီမတို့ activity တစ်ခုလုပ်တော့မယ်ဆိုရင်Miss တွေအကုန်လုံးမနက် ၂ နာရီထပြီး ညဆို ၁၀ နာရီလောက်မှအိပ်ဖြစ်တယ်။ အကုန်လုံး မနက် ၂ နာရီထပြီးမိတ်ကပ်လိမ်းပြီး breakfast ထစားတယ်။

ညီမကထမင်းစားခန်းမှာစားနေတုန်းညီမလေးတစ်ယောက်ကဝင်လာပြီး အမခြူးကို ဆံပင်ကြီးဖားလျားနဲ့ အပေါ်မှာ တွေ့ခဲ့တယ်တဲ့ ။ ခပ်တည်တည်ကြီးနဲ့ သမီးကို နှုတ်ဆက်မသွားဘဲ ဟိုဘက်ကို လှမ်းကွေ့သွားတယ်။ ပြီးတော့ဂါဝန်ကြီးဖားဖားကြီးဝတ်ထားတယ်ဆိုတော့..မဟုတ်ပါဘူးလို့ထမင်းစားနေတာကြာလှပြီ လျှောက်ပြောနေတာပဲဆိုပြီး ထမင်းဆက်စားနေတုန်းနောက်တစ်ယောက်က ဓာတ်လှေကားထဲမှာ တွေ့တယ်လို့လာပြောပြန်ရော.။ အဲ့လိုမျိုးတော့ သူများတွေ အခြောက်ခံရတယ်။

Miss Golden Land ပြိုင်တုန်းကလည်း ပုဂံဘက်ကို သွားပြီးတော့ ဆေးရုံမှာတည်းရတယ်။ပရဟိတသွားလုပ်မယ်ဆိုပြီးဆေးရုံမှာတည်းရတဲ့အချိန် ပြိုင်ပွဲအတွက်ဆရာက သင်ပေးနေတဲ့အချိန်မှာညီမကခွင့်တောင်းပြီးအခန်းထဲမှာပဌာန်းပြန်ရွတ်တာ။ ဆေးရုံကြီးထဲမှာတစ်ယောက်တည်းပဌာန်းရွတ်နေတုန်းသူတို့ကလာထိုင်နေတာထင်တယ် ကြက်သီးတွေထတယ်။

ကောင်းတာပဲဖြစ်ဖြစ် ဆိုးတာပဲဖြစ်ဖြစ် ညီမတစ်ခုခုဖြစ်တော့မယ်ဆိုရင် ကြိုပြီးတော့သတိပေးတယ်။ ပြီးတော့ညီမက ကုလားအဝတ်အစားနဲ့ ကုလားကားတွေလည်းအရမ်းကြိုက်တယ်။ ညီမအမေက သားနှစ်ယောက်ပဲရှိတော့ သမီးမိန်းကလေးရချင်လို့ဆိုပြီး ကုလားဘုရားကျောင်းမှာ သွားတောင်းထားတာ။ ညီမနောက်မှာ အစောင့်တွေအမြဲပါတယ်။ တစ်နေရာရာသွားပြီဆိုရင် ညီမအမတွေက ညီမအနောက်မှာရှိတယ်။ ဆရာတွေကပြောတာကတော့ ညီမက ကုလားနဂါးတဲ့ . ညီမနောက်မှာ အမေတွေအမတွေက လက်တွေအများကြီးပဲတဲ့။ဘုရားကျောင်းကကာလီမန်မယ်တော်ရဲ့ညီမလို့တော့ပြောတယ်။

တွေ့တဲ့ဆရာတိုင်းက အဲ့လိုပြောတာ ညီမတော့ယုံတယ်။ တစ်ခါတုန်းက ညီမ ကားမောင်းနေတာ မီးပွိုင့်နီနေတုန်း ဖြတ်ပြီးကူးတာ ညီမကလည်း အဖြတ် မီးစိမ်းပြီးလာတဲ့taxi ကားကလည်း အလာ သီသီလေးလွဲသွားခဲ့တာ။

တစ်ခုခုကောင်းတာဖြစ်တော့မယ်ဆိုလည်းအမတွေက ကြိုပြီးသတိပေးတယ်။၂၀၁၃ တုန်းက အိမ်မက်ဆုံရာပြိုင်တုန်းကလည်း ဆုရတယ်။ ဆုရပြီး ဘာဆက်လုပ်ရမှန်းမသိတဲ့အချိန် အဲ့တုန်းက Miss ခေတ်ဖြစ်နေတော့ Miss ပြိုင်မယ်စိတ်ကူးနေတဲ့ အချိန် အိမ်မက်ထဲမှာ crown အဝိုင်းဆောင်းရတယ်မက်တာ။ အဲ့အတိုင်းပဲ တကယ်ဖြစ်လာတာ။ Miss Golden Land မှာ ဆုရတော့ အိမ်မက်ထဲကအတိုင်းပဲ Crown အဝိုင်းကို မိန်းမကြီးကဆောင်းရမယ်ဆိုတာ ညီမအမတွေကကြိုတင်နိမိတ်ပေးနေတာပေါ့နော်။” ဆိုပြီးပြောပြသွားပါတယ်။

Crd:bahuthuta

96 Shares

Add a Comment

Your email address will not be published. Required fields are marked *