မန်းရွှေစက်တော် တည်းခိုဆောင် ခက်ခဲပါက ဘုရားရွာမှာ တည်းခိုနိုင်ပြီ

ယခုနှစ် ဖေဖော်ဝါရီ ၉ရက်မှစ၍ ရက်၇၀ကြာကျင်းပမည့်မင်းဘူးခရိုင် မန်းရွှေစက်တော်ဘုရားပွဲတော်လာ ပြည်သူများအနေဖြင့် လူစည်ကားချိန်ရက်များ၌တည်းခိုဆောင်နေရာမရခြင်း၊ ဈေးနှုန်းအဆမတန်မြင့်မားနေခြင်းများကြုံတွေ့ရပါက ပွဲတော်အနီး ဘုရားရွာရှိ နေအိမ်များတွင် သဒ္ဓါကြေးပေး၍ တည်းခိုနိုင်ကြောင်း ဒေသခံများထံမှ သိရသည်။

အကြောင်းအမျိုးမျိုးကြောင့်တည်းခိုဆောင်အဆင်မပြေသူများအနေဖြင့် ဘုရားရွာတွင် သဒ္ဓါကြေးဖြင့် တည်းခိုနိုင်ကြောင်း၊ ယခုနှစ်တွင် ဖောက်လုပ်လိုက်သော မန်းရွှေစက်တော်ကားပတ်လမ်းကြောင့်ဘုရားဖူးပြည်သူများ သွားလာမှုအဆင်ပြေကာ ဒေသခံပြည်သူများတွင်လည်း ငွေဆောင်၊ချောင်းသာဒေသအနီးရှိ ကျေးရွာများကဲ့သို့အကျိုးဖြစ်ထွန်းမှုများ ရှိလာမည်ဖြစ်ကြောင်း မင်းဘူးခရိုင် အုပ်ချုပ်ရေးမှူး ဦးစန်းဌေးက ပြောပြ၍သိရသည်။

တည်းခိုဆောင်တွေမှာ အခက်အခဲဖြစ်ရင် သဒ္ဓါကြေးပေးပြီးတည်းခိုလို့ရပါတယ်။ တစ်အိမ်ကိုလူ၁၀ယောက်ကနေ ၁၅ယောက်ထိတည်းခိုနိုင်ပါတယ်။ လာတည်းတဲ့သူတွေကတော့ တစ်ညတည်းရင်ငွေကျပ်နှစ်သောင်းလောက် ပေးခဲ့ကြပါတယ်။ သတ်မှတ်ပြီးတောင်းတာမရှိပါဘူး။

ရွာနဲ့ မန်းချောင်းကပေ၂၀ဝလောက်ပဲကွာတယ်။ ရွာမှာလျှပ်စစ်မီးနဲ့ရေ ပြည့်ပြည့်စုံစုံရှိပါတယ်ဟု ဘုရားရွာမှ ဒေသခံကိုကြည်လွင်က ပြောပြ၍ သိရသည်။

Crd:ဇေယျတု(မကွေ)

10 Shares

Add a Comment

Your email address will not be published. Required fields are marked *