သမိုင်းမှာအဆိုးဝါးဆုံးရထားတိုက်​မှုကြီး

“စိတ်´´

မီးရထားအလံပြဝန်ထမ်းနေရာအတွက် အလုပ်လာလျှောက်တဲ့ ကောင်လေးတစ်ယောက်ကို အင်တာဗျူးမေးတယ်…

“မင်းက တောတွင်းရထားလမ်းနေရာကို ရောက်နေတယ်။
မင်း ရောက်နေတဲ့ လမ်းဆုံကို ရထားနှစ်စီး မျက်နှာချင်းဆိုင် အရှိန်ပြင်းပြင်းနဲ့ ခုတ်မောင်းလာကြတယ်။ နောက် ၁၅ မိနစ်ကြာရင် အရှိန်မထိန်းနိုင်ဘဲ မင်းရောက်နေတဲ့ နေရာမှာ တိုက်မိတော့မယ်။ အဲဒါဆို မင်း ဘာလုပ်မလဲ?”


” ကျွန်တော် ကုန်းမြင့်ကို တက်ပြီး အလံနီပြတားပါမယ်။”

“မင်းနဲ့အတူ အလံပါမလာဘူးဆိုရင် ဘာလုပ်မလဲ?”

” ကျွန်တော်က လက်ကိုင်ပုဝါ အမြဲဆောင်လေ့ရှိတယ်။ အဲဒီ လက်ကိုင်ပုဝါလေးထုတ်ပြီး ဝေ့ရမ်းအချက်ပြမှာပေါ့။”

“ညအချိန် ဖြစ်နေတယ်ဆိုရင် မင်း ဘာလုပ်မလဲ?”

“ဓာတ်မီးနဲ့ အချက်ပြပြီး တားမှာပေါ့ဗျ။”

“ဓာတ်မီးက ဓာတ်ခဲအားကုန်နေတယ်ဆိုရင်ရော?”

“မီးခြစ်တော့ အမြဲပါတယ်ဗျ။ သစ်ကိုင်းခြောက်တွေ မီးဖိုပြီး အချက်ပြမယ်ဗျာ။”

“မိုးသည်းသည်းမဲမဲရွာနေလို့ မီးဖိုလို့ မရဘူးကွာ။ မင်း ဘာလုပ်မလဲ?”

“ကျွန်တော့်ညီလေး ဂျိုးဇက်ကို ပြန်ခေါ်မယ်။”

” မင်းညီလေးခေါ်ပြီး ဘာလုပ်မလို့လဲ?”

“ညီလေးနဲ့အတူ သမိုင်းမှာအဆိုးဝါးဆုံး _ _ _
ရထားတိုက်မှုကြီးကို ထိုင်ကြည့်မယ်။
—————————————————
အမှတ်တမဲ့ဖတ်ကြည့်ရင် သာမန်ဟာသလေးပဲ။
ဒါပေမယ့် ဖြန့်ကျက်တွေးတောကြည့်ရင်
အဓိပ္ပာယ် အများကြီးပါ။

ဘဝမှာ ကျနော်တို့ နည်းလမ်းစုံနဲ့ ကြိုးစားသမျှ
အရာမထင် မအောင်မြင်တာမျိုး ကြုံဖူးကြလိမ့်မယ်။
နောက်ဆုံး ရှိသမျှ ကိုယ်စွမ်းညဏ်စွမ်းကုန်သွားတဲ့
အခါမျိုးမှာ ဟာသလေးထဲကလို ထိုင်ကြည့်နေရုံသာပဲ ရှိမယ်။

တက်ကျမ်းတွေ inspirational quotes
တွေထဲကလို never give up ဘာညာသာရကာနဲ့ စောဒကတက်နိုင်ပါတယ်။ ဒီလို အတွေးမျိုးဝင်မိလို့ ပျော့ညံ့တယ်လို့လည်း ထင်နိုင်ပါတယ်။ ဒါပေမယ့် လက်တွေ့ဘဝဟာ တက်ကျမ်း မဟုတ်ပါဘူး။ မျက်မမြင်တိုင်း Helen Keller ဖြစ်မလာသလို ဘွဲ့မရသူတိုင်းလည်း Bill Gates ဖြစ်မလာပါဘူး။

လူတိုင်း လူတိုင်းမှာ စွမ်းဆောင်နိုင်ရည် limit ရှိတယ်။

ဒါဆို ဘဝဆိုတာကြီးကို ဒီအတိုင်းထိုင်ကြည့်နေရမှာလား။
မဟုတ်ရေးချ မဟုတ်ပါ။
ကျနော်တို့ အစွမ်းအစရှိသမျှ ကြိုးစားကြရမှာပါ။
ကြိုးစားနေပါလျက် လိုရာပန်းတိုင်မရောက်ရလို့
ဘဝဆုံးပြီလို့ တွေးလို့မရပါဘူး။

စောစောက မီးရထားအလံပြဝန်ထမ်းလာလျှောက်တဲ့
ကောင်လေးလို ဘာမှမတတ်နိူင်တဲ့အနေအထားမှာလို
ကြုံတွေ့ခဲ့ရင်ကျနော်တို့လည်း လောကကြီးကို အေးအေးဆေးဆေး ရင်ဆိုင်ကြရုံပေါ့။

အကောင်းဆုံးကြိုးစားမယ်။
လုပ်နိုင်သလောက် အစွမ်းရှိသလောက် ရုန်းကန် ရှင်သန်မယ်။
ထင်တိုင်းမပေါက်ခဲ့ရင် လမ်းလွဲမှာလက်မှိုင်​ချ ဝမ်းမနည်းဘူး။
လောကကြီးကို အေးဆေးစွာရင်ဆိုင်ကြမယ်။

Khaing Khaing
Creadit original

12 Shares

Add a Comment

Your email address will not be published. Required fields are marked *