၂၀၁၈ ခုနှစ် အတွက် အကောင်းဆုံးအမျိုးသားဇာတ်ဆောင်ဆု ဆန်ကာတင်စာရင်းဝင်နေတဲ့ အနုပညာရှင်(၄)ဦး

186 Shares

၂၀၁၈ ခုနှစ် အတွက် အကောင်းဆုံးအမျိုးသားဇာတ်ဆောင်ဆု ဆန်ကာတင်စာရင်းဝင်နေတဲ့ အနုပညာရှင်(၄)ဦး

(၁) နေ တိုး ( မုန်းစွဲ )

ထပ်ဆင့်အကယ်ဒမီနေတိုးကတော့ ဒရမ်မာရော ဟာသရော ပိုင်နိုင်ပြီး ပရိသတ်တွေကို ချစ်ခင်ရတဲ့ နာမည်ကျော်မင်းသားတစ်လက်ဖြစ်သလို လတ်တလောမှ ရုံတင်ထားတဲ့ မုန်းစွဲကားမှာ မုန်းစွဲစွဲပြီးအငြိုးကြီးတဲ့လူတစ်ယောက်အဖြစ်ရော ၊ မိခင်ရဲ့မုန်းစွဲတွေကို ကျွတ်စေချင်တဲ့ သံဃာတစ်ပါးအဖြစ်ရော ကာရိုက်တာ ၂မျိုးနဲ့အကောင်းဆုံးသရုပ်ဆောင်နိုင်ခဲ့တာပါ ။ ဒီဇာတ်ကားလေးမှာ ပရိသတ်အားပေးမှုအများဆုံးနဲ့ အကယ်ဒမီမှန်းခံနေရတာဖြစ်ပါတယ် ။

(၂) မြင့်မြတ် ( ငဒူ )

ငဒူ ဇာတ်ကားလေးကတော့ ဥာဏ်ရည်မမီပေမယ့် လူတိုင်းပေါ်ကူညီချင်တဲ့စိတ်ဓာတ်လေးနဲ့ ဖြူစင်တဲ့ လူတစ်ယောက်ရဲ့ကာရိုက်တာ ကို ပီပြင်အောင်သရုပ်ဆောင်ခဲ့တဲ့ မြင့်မြတ်ကတော့ ရုပ်ရှင်လာကြည့်တဲ့ ပရိသတ်တိုင်းကို မျက်ရည်လည်စေခဲ့တဲ့ သရုပ်ဆောင်မှုတွေနဲ့ဖမ်းစားခဲ့တာပါ ။ ရုံထဲက ထွက်လာတဲ့ သူတိုင်းမျက်ရည်တွေနဲ့ထွက်လာရတဲ့ တကယ်ကိုကောင်းတဲ့ ဒရမ်မာကားလေး တစ်ကားပါ ။ မနှစ်က ဇာတ်ပို့ဆုပဲရခဲ့ပေမယ့် ဒီနှစ်မှာတော့ ဇာတ်ဆောင်ဆုရဖို့ ပရိသတ်တွေက ထင်ကြေးပေးနေကြပါပြီ ။

(၃) ဇဏ်ခီ ( မုဒြာရဲ့ခေါ်သံ )

မြန်မာနိုင်ငံရဲ့ ရုပ်ရှင်လောက ကို ပြောင်းလဲစေသူလို့ ပရိသတ်တွေ အထင်ကြီးလေးစားရတဲ့ ဇဏ်ခီကတော့ တကယ်ကိုကောင်းမွန်တဲ့ရိုက်ချက်တွေနဲ့ မြန်မာနိုင်ငံရဲ့ အလှပတွေ အထင်ကရ နေရာတွေကို ကမ္ဘာကသိအောင် အကောင်းဆုံး ရိုက်ကူးပုံဖော်ခဲ့တဲ့ မုဒြာရဲ့ခေါ်သံကားနဲ့ ပရိသတ်တွေရဲ့ရင်ထဲက အကယ်ဒမီကိုရရှိပြီးသားဆိုပေမယ့် ရုပ်ရှင်အစည်းရုံးကပေးတဲ့ ရုပ်ရှင်အကယ်ဒမီထူးချွန်ဆုကိုရော ရမလားဆိုတာတော့ ရင်ခုန်စရာပါပဲ ။

(၄) အလင်းရောင် ( ကာဗွန်ဒိုင်အောက်ဆိုက် )

ပျိုတိုင်းကြိုက်တဲ့ နှင်းဆီခိုင်လေး အလင်းရောင်ကတော့ ကာဗွန်ဒိုင်အောက်ဆိုက်ကားထဲမှာ သူချစ်တဲ့မိန်းကလေးကိုရဖို့ အောက်လမ်းနည်းတွေသုံးပြီး ကြိုးစားခဲ့တဲ့ ဗီလိန်နေရာကနေ ထူးထူးခြားခြား သရုပ်ဆောင်ထားတာဖြစ်ပါတယ် ။ တက်သစ်စ လူငယ်သရုပ်ဆောင်လေးဆိုပေမယ့် သူ့ရဲ့ပီပြင်တဲ့သရုပ်ဆောင်မှုတွေကြောင့် ဒီကားလေးနဲ့အကောင်းဆုံးအမျိုးသားဇာတ်ဆောင် ဆု ကို ဆန်ကာတင်ရွေးချယ်ခံခဲ့ရတာပါ ။

Source : CeleGabar

186 Shares

Add a Comment

Your email address will not be published. Required fields are marked *