ဝန်ထမ်းများအနေနဲ့ လစာထုတ်ရက်မယ် လုပ်သင့်တဲ့ အချက်(၅)ချက်
—————————————————————————-

(၁) ထီထိုးပါ
——————
နိုင်ငံဝန်ထမ်းတိုင်းဟာ ဘယ်တော့မှ ချမ်းသာနိုင်မည်မဟုတ်ပါ။ ဒါကြောင့်
ထီပေါက်မှသာ အနာဂါတ်အတွက် အစီအမံများကောင်းစွာဆောင်ရွက်ရန် အထောက်အပံ့ရမှာဖြစ်ပါတယ်။
ဒါကြောင့် ထီထိုးပါ။ အနည်းဆုံး သုံးစောင်
တွဲတစ်စောင်လောက်ပေါ့။

(၂) စာအုပ်ဝယ်ပါ
————————
စိတ်ခွန်အားဆိုတာ စာဖတ်ခြင်းမှ ရရှိနိုင်တာဖြစ်လို့ စာကောင်းပေမွန်များ ဖတ်ရှုဖို့ လိုပါတယ်။
သိထားသင့်တဲ့ သိမ်းထားသင့်တဲ့ စာအုပ်များ
( ဥပမာ နိုင်ငံ့ဝန်ထမ်းဥပဒေ စာလုံးပေါင်းသတ်ပုံကျမ်း စသဖြင့် ) ကို ရှာဖွေဝယ်ယူစုဆောင်းသင့်ပါတယ်။ တစ်လအနည်းဆုံးတစ်အုပ်လောက်တော့ဝယ်
ယူလိုက်ပါ။ ဒီတစ်လတော့
မိတ်ကပ်တစ်ဗူးဝယ်မယ့်အစား စာအုပ်ကလေးတစ်အုပ်လောက်
ဝယ်လိုက်ဖို့ တိုက်တွန်းလိုက်ပါရစေ။

(၃) လှူပါ
—————
မရှိလို့ မလှူရင် မလှူလို့ မရှိနိုင်ပါ။ ဘာသာတရားအဆုံးအမနဲ့နေတဲ့လူမျိုး
ဖြစ်တာနဲ့အညီ လစာထဲက သင့်တင့်တဲ့ပမာဏကို လှူဒါန်းသင့်ပါတယ်။ ဖြစ်နိုင်ရင် ရတဲ့လစာရဲ့
အဦးဆုံးငွေကို လှူဒါန်းပြီး ကုသိုလ်ယူလိုက်ပါ။

(၄) စုပါ
————–
နိုင်ငံကျော်သူဌေးကြီးကားလို့ဟူစလင်းရဲ့ အဆိုအရတော့ လစာရဲ့ လေးပုံတစ်ပုံကိုစုဆောင်းသင့်တယ်ဆိုပါတယ်။ ဒါကတော့ရတဲ့လစာအပေါ် လက်ရှိအခြေအနေအပေါ် မူတည်ပြီး အမျိုးမျိုးကွဲပြားနိုင်ပါတယ်။

(၅) မိဘကိုကန်တော့ပါ
—————————-
ဒီအသက်ဒီအရွယ်ရောက်တဲ့အထိ ဒီအလုပ်အကိုင်ရတဲ့အထိ မိဘ
ကကျွေးမွေးပြုစုစောင့်ရှောက်လာခဲ့ပြီးဖြစ်ပါတယ်။ ဒီတစ်ခါ သားသမီး အလှည့်ရောက်ပါပြီ

( ၀န်ထမ်းတိုင်း လစာထုတ်ရက်မယ် စိတ်ချမ်းသာကိုယ်ချမ်းသာရှိကြပါစေ)

Ref – အောင်မျိုးပိုင်

58 Shares

Add a Comment

Your email address will not be published. Required fields are marked *