ကြောက်စရာကောင်းတဲ့ အမေရိကန် အအေးလွန်ကဲမှု မှတ်တမ်းဓာတ်ပုံများ

အမေရိကန် အအေးလွန်ကဲမှု မှတ်တမ်းဓာတ်ပုံများ

အမေရိကန်ပြည်ထောင်စုမှာဖြစ်ပွားနေတဲ့ အအေးလွန်ကဲမှုဒဏ်ကို လူတွေသာမက တိရိစ္ဆာန်တွေပါ ကြုံတွေ့နေရပါတယ်။ အိမ်တွင်းအိမ်ပြင်တွေမှာလဲ မကြုံစဖူး အအေးဒဏ်ကြောင့် အံ့သြစရာတွေကိုကြုံတွေ့နေရပါတယ်။ အဲဒီလို ကြုံတွေ့နေကြရတဲ့ မှတ်တမ်းဓာတ်ပုံတွေကို လက်လှမ်းမီသလောက် စုစည်းဖော်ပြလိုက်ပါတယ်။

အမေရိကန်ပြည်ထောင်စုမှာ ဆောင်းရာသီ စံချိန်တင် အအေးဒဏ် လွန်ကဲမှုကြောင့် ဒီသီတင်းပတ်ထဲ သေဆုံးသူအနည်းဆုံး ၁၁ ဦးရှိသွားပြီဖြစ်ပါတယ်။ ဒီအအေးဒဏ်ဟာ မိနစ်ပိုင်းအတွင်း frostbite အသားပုတ်ကြွေကျတဲ့အထိ ဖြစ်နိုင်တယ်လို့ တာဝန်ရှိသူတွေကပြောပါတယ်။

ဒီလို အလွန်အေးတဲ့ ရာသီဥတု အခြေအနေမှာ အိုင်အိုဝါမြို့မှာရှိတဲ့ အိုင်အိုဝါတက္ကသိုလ်မှာ ကျောင်းသားတယောက် ကျောင်းရဲ့ အဆောက်အဦး အနောက်မှာ အအေးဒဏ်လွန်ကဲမှု ခံနေရတာကို တွေ့ရှိခဲ့ရပြီးနောက်ပိုင်း တက္ကသိုလ်အတန်းတွေကို ပိတ်လိုက်ပါတယ်။ ဒီကျောင်းသားကို ရေခဲမှတ်အောက် ၄၆ ဒီဂရီ Celsius ပြင်းထန်တဲ့လေအေးတိုက်ခတ်ချိန်မှာ တွေ့ရှိခဲ့ရပြီး သူဟာ နောက်ပိုင်း ဆေးရုံမှာသေဆုံးသွားပါတယ်။

အီလီနွိုင်းပြည်နယ်ရဲ့ Moline မြို့မှာ ကြာသပတေးနေ့က ရေခဲမှတ်အောက် ၃၆ ဒီဂရီ Celsius ထိ ကျဆင်းသွားပါတယ်။ Minnesota ပြည်နယ် Norris Camp မြို့မှာတော့ ဗုဒ္ဓဟူးနေ့က ရေခဲမှတ်အောက် ၄၄ ဒီဂရီ Celsius အထိ ကျဆင်းသွားပါတယ်။

စာပို့လုပ်ငန်းတွေအပြင် လေယာဉ်ခရီးစဉ်၊ ရထားခရီးစဉ်တွေနဲ့ ဘတ်စ်ကား ပြေးဆွဲမှုတွေကတော့ ပြီးခဲ့တဲ့ ၂ ရက်အကြာ ကတည်းက ဆိုင်းငံ့ထားပါတယ်။ Detroit မြို့မှာတော့ အလုပ်သမားတွေကို အအေးဒဏ်က ကာကွယ်ပေးဖို့နဲ့ လောင်စာစွမ်းအင် ခြိုးခြံနိုင်ဖို့ အတွက် မော်တော်ကား စက်ရုံတွေကို ပိတ်ထားလိုက်ပါတယ်။

အမေရိကန် ပြည်ထောင်စု အနောက်အလယ်ပိုင်း ဒေသတွေမှာ အအေး ပိုနေတဲ့ ဒဏ်ကို လူ သန်းပေါင်းများစွာ ရင်ဆိုင်နေကြရပါတယ်။ အန္တာတိကတိုက် ထက်တောင် ပိုပြီး အေးနေသလို အအေးဒဏ်ကြောင့် လူ ၁၂ ဦးထက်မနည်း သေဆုံးခဲ့ရပြီးဖြစ်ပါတယ်။

အာတိတ် ဒေသက လေအေးတွေဟာ တောင်ဘက်ကို ဆင်းလာတာကြောင့် အခုလို အေးနေတာ ဖြစ်ပြီး အမေရိကန် ပြည်သူ သန်း ၂၀၀ ဟာ ရေခဲမှတ်အောက် အနှုတ် ၃၀ ဒီဂရီ ဆဲလ်ဆီးယပ်စ် အထိ ကျဆင်းသွားနိုင်တဲ့ အအေးဒဏ်ကို ရင်ဆိုင်ရဖွယ် ရှိပါတယ်။ အဲဒါကြောင့် ရှီကာဂိုလိုမြို့ကြီးတွေမှာ သယ်ပို့စနစ်တွေကို ရပ်ဆိုင်းထားရသလို စီးပွားရေးလုပ်ငန်းတွေနဲ့ ကျောင်းတွေလည်းပိတ်ထားပါတယ်။ ကိုမင်းထက်က ပြောပြမှာပါ။

Crd:BBC Burmese

87 Shares

Add a Comment

Your email address will not be published. Required fields are marked *