အရက်ဝိုင်းမှာ မကျေနပ်ဖြစ်ကာ အိမ်ထိသွားပြီး ဓါးနဲ့ထိုးသတ်မှုဖြစ်..

အရက်ဝိုင်းတွင် စကားများခဲ့ပြီး အိမ်သို့သွားရောက်ကာ ဓားနှင့်ထိုးခဲ့ရာမှ လူသေဆုံးမှုဖြစ်ပွားခဲ့ပြီး တရားခံမှာ ထွက်ပြေးတိမ်းရှောင်

ကရင်ပြည်နယ် မြဝတီမြို့တွင် အချင်းချင်း အရက်အတူသောက်ရာမှ စကားများခဲ့ပြီး နေအိမ်သို့အသီးသီး ပြန်လာကြရာ မကျေနပ်သည့်သူက ဓားနှင့်သွားရောက် ထိုးခဲ့သည့်အတွက် လူသေဆုံးမှုတစ်မှုဖြစ်ပွားခဲ့ပြီး ဓား ဖြင့်ထိုးခဲ့သည့် တရားခံမှာ ထွက်ပြေးတိမ်းရှောင်နေဆဲ ဖြစ်ကြောင်း သိရသည်။

ဖြစ်စဉ်မှာ….၂၀၁၉ ဖေဖော်ဝါရီ ၅ ရက်နေ့(၁၈၃ဝ)အချိန်က မြဝတီမြို့အမှတ် ၄ ရပ်ကွက်အေးသာယာ ၆ လမ်းနေ ဇော်ထွန်းနိုင်နှင့်အေးသာယာ(၅)လမ်းနေ ဦးနိုင်တို့မှာ အရက်အတူသောက်ခဲ့ကြပြီး အနည်းငယ်စကားများခဲ့ကြရာမှ နေအိမ်အသီးသီးသို့ပြန်လည်ရောက်ရှိကြစဉ်…

ဇော်ထွန်းနိုင်မှ မကျေနပ်ဘဲ ဦးနိုင်၏နေအိမ်ရှေ့သို့ သွားရောက်ပြီးတံခါးဖွင့်ခိုင်းရာ ဦးနိုင်မှ တံခါးဖွင့်ပေးစဉ် ဇော်ထွန်းနိုင်မှ အသင့်ယူဆောင်လာခဲ့သော အရိုးအသွား ၉ လက်မခန့်ရှိဓားမြှောင်ဖြင့် ထိုးလိုက်သဖြင့်ဦးနိုင်၏ဝဲဘက်နံရိုးအောက်တွင် ဒဏ်ရာရရှိခဲ့တယ်လို့ သိရပါတယ်။

ထိုသို့ဓားနှင့်ထိုးပြီး ဇော်ထွန်းနိုင်မှာ ထွက်ပြေးသွားခဲ့သဖြင့် ဦးနိုင်၏ဇနီးဖြစ်သူ ဒေါ်ရီဝင်းမှခင်ပွန်းဖြစ်သူအား ဆေးရုံသို့ပို့ဆောင်ပေးခဲ့ပြီး ရဲစခန်းသို့ သွားရောက်တိုင်ကြားခဲ့ရာ မြဝတီရဲစခန်းမှ(ပ)၂၁၅/၂ဝ၁၉ ရာဇသတ်ကြီးပုဒ်မ ၃၂၆ ဖြင့်အမှုဖွင့် အရေးယူခဲ့သည်။

အဆိုပါဖြစ်စဉ်နှင့်ပတ်သက်ပြီးဆေးရုံတက်ရောက်ကုသနေသော ဦးနိုင်မှာဆေးရုံသို့ရောက်ရှိပြီး နာရီဝက်ခန့်အကြာတွင် ရရှိထားသောဒဏ်ရာဖြင့် သေဆုံးသွားခဲ့သဖြင့် ဓားဖြင့်ထိုးခဲ့သူ မြဝတီမြို့အမှတ် ၄ ရပ်ကွက်အေးသာယာ ၆ လမ်းနေ ဇော်ထွန်းနိုင်(၃၉)နှစ်အား ပုဒ်မ ၃၂၆ မှ ရာဇသတ်ကြီးပုဒ်မ ၃ဝ၂ သို့ပြောင်းလဲဖွင့်လှစ်ပြီးထွက်ပြေးတိမ်းရှောင်သွားသော ဇော်ထွန်းနိုင်အားအမြန်ဖမ်းဆီးရမိနှိုင်ရေး အတွက် ဆောင်ရွက်နေကြောင်း သိရသည်။

Crd:မြဝတီမြို့မှလွတ်လပ်သောပြည်သူ့အသံ

9 Shares

Add a Comment

Your email address will not be published. Required fields are marked *