စီးပွားရေးသမားနဲ့ သာမန် အရပ်သား စဉ်းစားပုံ မတူ

25 Shares

စီးပွားရေးသမားနဲ့ သာမန် အရပ်သား စဉ်းစားပုံ မတူ
✉ ✉ ✉ ✉ ✉ ✉ ✉ ✉ ✉ ✉ ✉
~~~~~~~~~~~~~~~~~~~~~~~~

ဝေါလ်မတ် (Walmart) ဈေးဆိုင်ကြီးမှာ စားစရာ အသားတွေ ရက်လွန်တော့ အမှိုက်ပုံးမှာ ပစ်ဖို့ မန်နေဂျာကြီးက ညွှန်ကြားလိုက်တယ်။ အလုပ်သမားတွေလည်း ခိုင်းတဲ့ အတိုင်း မကြာခဏ လုပ်ကြရတယ်။ အခိုင်းခံရတဲ့ အလုပ်သမားတယောက်က ဘယ်လို စဉ်းစားလဲ ဆိုတော့ “ဘာလို့ ပစ်လိုက်တာလဲ၊ မရှိတဲ့သူတွေကို ပေးလိုက်ရင် သိတ်ကောင်းမှာပဲ” လို့ စဉ်းစားတယ်။

တနေ့ ရက်လွန် အသားတွေ သူတို့ကို ပစ်ခိုင်းနေစဉ် အရာရှိတယောက် စောင့်ကြည့်နေတယ်။ သိချင်စိတ် ခိုးလို့ ခုလု ဖြစ်နေတဲ့ အလုပ်သမားက “ဘာလို့ ဒီ အသားတွေ ပစ်လိုက်တာလဲ။ ဆင်းရဲသားတွေကို ပေးလိုက်ပါလား” လို့ အဲဒီ အရာရှိကို မေးလိုက်တယ်။ အရာရှိက သူ့ကို ပြန်ကြည့်ပြီး “အသားတွေ အလကား ပေးလိုက်ရင် တို့ဆိုင်မှာ ဝယ်တဲ့သူတွေ လျှော့သွားမှာပေါ့” လို့ အေးအေးဆေးဆေး ပြန်ရှင်းပြတယ်။

အလုပ်သမား ခမျာ ပိုပြီး နားမလည် ဖြစ်သွားတယ်။ “ဒါဆို ဆင်းရဲတဲ့သူတွေကို လှူလိုက်ပါလား” လို့ သူက အကွန့်တက်ကြည့်တယ်။ “အသားတွေက ရက်လွန်နေတဲ့ အသားတွေ ဖြစ်တယ်။ အလကားပဲ ပေးပေး၊ လှူပဲ လှူလှူ ဥပဒေနဲ့ မညီဘူး၊ အဲဒါ မင်းမှတ်ထား” လို့ ပြောပြီး သူ့ကို သေသေချာချာ ကြည့်တယ်။ “ခုလည်း မင်းတို့ကို မယုံလို့ စောင့်နေတာကွ”လို့ လေသံ အနည်းငယ်မြှင့်ပြီး ပြောလိုက်တယ်။

“မင်းမှတ်ထား၊ ဈေးရောင်းတယ် ဆိုတာ ရောင်းမရရင် အရှုံးခံရတယ်။ ဘယ်တော့မှ အလကား မပေးရဘူး။ လှူချင်ရင် ဈေးမရောင်းနဲ့ ဈေးရောင်းနေရင်းနဲ့လည်း မလှူနဲ့” လို့ ခတ်ပြတ်ပြတ် ပြောပြီး လုပ်စရာကို မြန်မြန် ပြီးအောင်လုပ်ဖို့ ညွှန်ကြားလိုက်တယ်။

အောင်မြင်တဲ့ စီးပွားရေးသမားတိုင်းဟာ လှူခြင်း၊ အလကားပေးခြင်းနဲ့ ရောင်းချခြင်းဆိုတဲ့ အကန့်ကို ရောထွေးပြီး မစဉ်းစားပါ။ အလှူလုပ်တာက သီးခြားဖြစ်တယ်။ စီးပွားပြုနေတဲ့ လုပ်ငန်းခွင်ဟာ အလှူမဏ္ဍတ် မဟုတ်။ စီးပွားပြုနေတဲ့ ကုန်စည်ဟာလည်း အလှူပစ္စည်း မဟုတ်ပါ။

လှူခြင်းက လူမှုရေးနယ်ပယ်ရဲ့ တနေရာမှာ ရှိတယ်။ လှူဒါန်းခြင်းဟာ ဘာသာရေး နယ်ပယ်ထဲက အကန့်ငယ် တခုလည်း ဖြစ်တယ်။ စီးပွားပြုခြင်းက ငွေရှာခြင်း ဖြစ်တယ်။ စီးပွားပြုခြင်းဟာ အလုပ်လုပ်ခြင်း ဖြစ်တယ်။ စီးပွားပြုခြင်းဟာ စားဝတ် နေရေးဆိုတဲ့ ဘဝ သစ်ပင်ကို ရေလောင်းနေခြင်း ဖြစ်တယ်။ စီးပွားပြုခြင်းနဲ့ ဘဝ ရပ်တည်ခြင်းက တိုက်ရိုက် ဆက်စပ်တယ်။ စီးပွားပျက်ရင် ဘဝအိမ် ပျက်တယ်။ စီးပွားကျခြင်းဟာ ဘဝရပ်တည်မှု ကျခြင်းနဲ့ တထပ်တည်း ဖြစ်တယ်။

စီးပွားရေး သမားက လူမှုရေးနဲ့ စီးပွားရေးကို တကန့်စီ စဉ်းစားတယ်။ သာမန်လူတွေက စီးပွားရေးနဲ့ လူမှုရေးကို ရောပြီး စဉ်းစားတယ်။ လူမှုရေးကြောင့် စီးပွားပျက်သွားနိုင်တဲ့ လမ်းကြောင်းတွေကို သာမန်လူတွေ မြင့်လေ့ မရှိကြ။ လူမှုရေးကြောင့် စီးပွားရေးလမ်းကြောင်း ပျောက်သွားနိုင်တဲ့ အချက်ကိုလည်း မမြင်တတ်ကြ။

စီးပွားရေးသမားက လူမှုရေးကို စီးပွားရေးနဲ့ ရောထွေး စဉ်းစားလေ့ မရှိပါ။ သူတို့က လှူချင်လျှင် သီးသန့် လှူတယ်။ သူတို့က စီးပွားရေးနဲ့ ရောထွေး လှူဒါန်းတဲ့ ဒါနမျိုး မပြုလုပ်ကြ။

စီးပွားအောင်မြင်လျှင် လူမှုရေးအတွက် အရွေ့များစွာကို စိတ်တိုင်းကျ ရွေ့နိုင်တယ်။ စီးပွားရေး လှော်တက်က ဘဝလှေကို ရွေ့စေတယ်။ စီးပွားရေး ဘီးက ဘဝကားကို လိမ့်သွားစေတယ်။ စီးပွား မရှိသူဟာ လျှော်တက်မပါပဲ လှေလှော်ချင်တဲ့သူနဲ့ တူတယ်။ ဘီးမပါပဲ ကားကို ရွေ့ချင်သူ ဖြစ်တယ်။ စီးပွားရေးနဲ့ လူမှုရေး တိုက်ရိုက် အချိုးကျနေတဲ့ လူသားကမ္ဘာမှာ စီးပွားပြုနည်း ပျက်စေမဲ့ မည်သည့် စဉ်းစားနည်းကိုမှ စီးပွားပြုသူက မစဉ်းစားပါ။

သာမန်လူ အများစုဟာ လူမှုရေးနဲ့ စီးပွားရေးရဲ့ ကွဲပြားနေတဲ့ ဝိသေသကို နားမလည်ကြ။ ဘဝကိုတော့ အောင်မြင်ချင်ကြတယ်။ လှော်တက်မပါပဲ လှေကို ရွေ့အောင် လှော်ဖို့ စဉ်းစားကြတယ်။ ဒါကြောင့်လည်း လက်တွေ့ဘဝမှာ မအောင်မမြင် ဖြစ်ကြတယ်။ စိတ်ကူးယဉ် သက်သက် အတွေးတွေနဲ့ လေထဲ တိုက်အိမ်ဆောက်ကြတယ်။ စီးပွားပြုခြင်းနဲ့ အလုပ်၊ အလုပ်နဲ့ စီးပွား အပြန်အလှန်ဆက်နွယ်နေတယ်။

ရောင်းနေတဲ့ ပစ္စည်း ရောင်းမရလို့ ရှုံးတယ်ဆိုတာ ငွေရှုံးတာ ဖြစ်တယ်။ ဒါပေမယ့် နာမည် ရှုံး မသွားပါ။ ငွေရှုံးရင် ငွေပြန်ရလာအောင် တနည်းနည်းနဲ့ လုပ်လို့ ရတယ်။ နာမည် ရှုံးရင်တော့ ဘာလုပ်ငန်းမှ လုပ်မရတော့ပါ။ ဒါဟာ ဘဝကို သတ်လိုက်ခြင်း ဖြစ်တယ်။ ဈေးရောင်းတယ် ဆိုတာ ဝယ်သူရှိမှ အောင်မြင်တယ်။ ဝယ်သူများရင် ဈေးကွက်ကြီးတယ်။ ဒါကြောင့် လုပ်ငန်း အောင်မြင်အောင် ကြော်ငြာတဲ့အခါ နမူနာ ပေးခြင်းမှ အပ ကျန်တဲ့ အချိန်တွေမှာ ဘယ်တော့မှ အလကား မပေးပါ။ စောင့်ထိန်းသင့်တဲ့ စည်းတွေကို စောင့်ထိန်းမှသာ ရေရှည်အတွက် စီးပွားအောင်မြင်တယ်။ သာမန်လူတွေလို စဉ်းစားရင် သာမန်လူ ဘဝမှာသာ ကျင်လည်နေမယ်။

#Credit Original Post
Via ဆရာမ Khin Thanda

25 Shares

Add a Comment

Your email address will not be published. Required fields are marked *