လက်က ပြောပြသော မိမိရဲ့ ကျန်းမာရေးအခြေအနေ အကြောင်း သိကောင်းစရာ

ခန္ဓာကိုယ်တွင်း အင်္ဂါတွေရဲ့ ကျန်းမာရေး အခြေအနေကို ကိုယ်ကိုယ်တိုင် ခန့်မှန်းလို့ ရပါတယ် ။ အသေးစိတ် တိတိကျကျ မဟုတ်ပေမယ့် ကိုယ် ဘာဖြစ်နေသလဲဆိုတာ အကြမ်းဖျင်း ခန့်မှန်းပြီး စစ်ဆေးကုသမှု ခံယူဖို့ လိုနေသလား ဆိုတာ သိနိုင်ပါတယ် ။ ဒါကြောင့် လက်ဝါးတွေကိုကြည့်ပြီး ခန္ဓာကိုယ် အတွင်းက ကလီစာ တွေရဲ့ ကျန်းမာရေး အခြေအနေကို စစ်ဆေးကြည့်လိုက်ရအောင် ။

( ၁ ) လက်ဝါးတွေ နီရဲနေရင်
လက်ဝါးတွေ နီရဲနေတာက အသည်းမှာ ပြဿနာ တစ်ခုခု ရှိနေလို့ ဖြစ်နိုင်တာကြောင့် အပြင်စာတွေ စားတာနဲ့ အရက်သောက် တာကို ဆင်ခြင်ပြီး ကျန်းမာရေးနဲ့ ညီညွှတ်တဲ့ အစားအ သောက်တွေကို စားပေး သင့်ပါတယ် ။

( ၂ ) လက်ဝါးက အမြဲချွေးထွက်နေရင်
လက်ဝါးက ချွေးတွေ အမြဲ ထွက်နေတာက စိတ်ဖိစီးမှု တွေ အရမ်းများ နေတာကြောင့် ဖြစ်နိုင်ပါတယ် ။ မနက်စောစော ထပြီး အသက်ရှူ လေ့ကျင့်ခန်း လုပ်တာမျိုး၊ သဘာဝ မြင်ကွင်းတွေ ရှိတဲ့ နေရာကို ခရီးတို လေးတွေ သွားတာမျိုးနဲ့ အေးဆေးပြီး ချိုသာတဲ့ ဂီတသံ လေးတွေကို နားထောင် သင့်ပါတယ် ။

( ၃ ) လက်တွေထုံနေတတ်ရင်
အ ကြောင်းမဲ့ လက်တွေ မကြာခဏ ထုံကျင်နေတာမျိုး ဖြစ်တာက သွေးအားနည်း ရောဂါ၊ ဆီးချို ရောဂါနဲ့ အာရုံကြောဆိုင်ရာ ရောဂါတွေ ဖြစ်နိုင်တာကြောင့် ဆရာဝန်နဲ့ သေချာပြပြီး စစ်ဆေး ကုသမှု ခံယူ သင့်ပါတယ် ။

( ၄ ) လက်တွေ အမြဲ ခြောက်သွေ့နေရင်
လက်တွေ အမြဲ ခြောက်သွေ့ နေတာက ခန္ဓာကိုယ် ထဲမှာ ရေဓာတ် မလုံလောက်လို့ ဖြစ်နိုင်သလို အီစထရိုဂျင် ဟော်မုန်း နည်းနေလို့လည်း ဖြစ်နိုင်ပါတယ် ။ ရေများများ သောက်ပြီး၊ ငါးကြီးဆီ၊ အခွံမာသီး တွေနဲ့ အ စေ့အဆန်တွေ စားပေးဖို့ လိုပါတယ် ။

( ၅ ) လက်တွေတုန်နေရင်
အကြောင်းမဲ့ လက်တွေ တုန်နေတာကလည်း ဦးနှောက်နဲ့ အာရုံကြောဆိုင်ရာ ရောဂါကြောင့်ဖြစ်နိုင်လို့ အဲ့လို ဖြစ်နေရင် ကော်ဖီ ၊ လက်ဘက်ရည်နဲ့ အရက်သောက်တာ ချက်ချင်း ရပ်ထားပြီး ဆရာဝန်နဲ့ သေချာ စစ်ဆေးကုသပါ ။

( ၆ ) လက်သည်းတွေ ကျွပ်ဆတ်ပြီး အက်ကွဲလွယ်နေရင်
လက်သည်းတွေ အားနည်းနေပြီး အက်ကွဲလွယ် ၊ ကျိုးလွယ် နေတယ်ဆိုရင် ခန္ဓာကိုယ်ထဲမှာ ဇင့် ဓာတ်နည်းနေတာကြောင့် ဖြစ်နိုင်သလို ၊ ကိုယ်ခံအား သိပ်မကောင်းဘူးဆိုတဲ့ လက္ခဏာလည်း ဖြစ်ပါတယ် ။ ဒီတော့ အအေးမိလွယ် ၊ ဖျားလွယ် ၊ ကူးစက် ရောဂါတွေ ကူးစက်လွယ်တဲ့ အနေ အထားမှာ ရှိနေပါတယ် ။ အုတ်ဂျုံ ၊ အခွံမာသီးနဲ့ အသားတွေ များများ စားပေးဖို့ လိုပါတယ် ။

( ၇ ) လက်ချောင်းထိပ်တွေ တင်းပုတ်လိုဖြစ်နေရင်
နဂိုက သူများတွေလို သာမန် လက်ချောင်းတွေပဲ ဖြစ်ပြီး အခုနောက်ပိုင်းမှ လက်ချောင်းထိပ်တွေက တင်းပုတ်လို ကြီးလာပြီး အဆစ်နေရာတွေ ရောင်နေသလို ဖြစ်နေရင် အဆုတ် ၊ နှလုံးတို့နဲ့ ပတ်သက်တဲ့ ရောဂါ ကြီးကြီးမားမား ဖြစ်နေနိုင်ပါတယ် ။ ဒါကြောင့် ဒီလို ဖြစ်နေရင် ဆရာဝန်နဲ့ စစ်ဆေး ကုသမှုခံယူဖို့ အရေးတကြီး လိုအပ်နေပါပြီ ။

Crd:MAY THAZINHTOO

11 Shares

Add a Comment

Your email address will not be published. Required fields are marked *