သင်ဖြုန်းမယ့်ငွေကိုသင့်အိတ်ကပ်ထဲပြန်ထည့်ထားလိုက်ပါ

4 Shares

ပိုက်ဆံရှာပါ
ပိုက်ဆံရှိမှဖြစ်တော့မယ်လို့
တွေးမိတဲ့အချိန်ဟာ
ခရီးတစ်ခုကိုစတင်ဖို့
လက်မှတ်စဝယ်တာနဲ့တူပါတယ်
လောကမှာပိုက်ဆံရှိမှ
ပိုအဆင်ပြေနိုင်ပါတယ်

မိသားစုထဲမှာကြည့်ပါ
ပိုက်ဆံရှာနိုင်တဲ့သူက
ပိုအရေးပါအရာရောက်ပါတယ်

အပေါင်းအသင်းတွေကြားထဲကြည့်ပါ
ပိုက်ဆံရှိတဲ့သူက ပိုလူရာဝင်ပါတယ်

လူမှုအဖွဲ့အစည်းတစ်ခုခုကိုကြည့်ပါ
ပိုက်ဆံပိုရှိတဲ့သူက ပိုအရာရောက်ပါတယ်

ဒါဟာ လောကကြီးထဲမှာ
ရာခိုင်နှုန်းတော်တော်များများဖြစ်နေတာပါ

ဘယ်နည်းနဲ့ကြည့်ကြည့်
သင် ပိုက်ဆံရှာရပါမယ်
ရတေဲ့ချင့်ချိန်သုံးစွဲရပါမယ်

သင်ပိုက်ဆံရှိမှ
သင်ချစ်တဲ့သူတွေအတွက်
သင်လုပ်ချင်တဲ့အရာတွေအတွက်
သင်ပြောချင်တဲ့စကားတွေအတွက်
သင်လိုချင်တဲ့အရာတွေအတွက်
အားလုံးမဟုတ်ရင်တောင်
တော်တော်များများလုပ်လို့ရမှာပါ

“#ခင်မင်မှုကပိုအရေးကြီးတယ်”
ဟုတ်ကဲ့
လူတော်တော်များများကတော့
ငွေရှိရင် ပိုခင်ကြပါတယ်

“#ရိုးသားမှုကပိုအရေးကြီးတယ်”
ဟုတ်ကဲ့
လူအများစုကတော့ မရိုးသားရင်တောင်
ငွေရှိတဲ့လူဆို သိပ်မပြောရဲကြပါဘူး

“#ပညာကပိုအရေးကြီးတယ်”
ဟုတ်ကဲ့
ငွေရှိမှပညာသင်လို့ရတဲ့ခေတ်မှာ
ပညာရွှေအိုးက ငွေရှိမှဝယ်လို့ရတာပါ

“#ကိုယ်ကျင့်တရားကအရေးအကြီးဆုံး”
ဟုတ်ကဲ့
ကိုယ်ကျင့်တရားမကောင်းတဲ့သူတွေ
ငွေရှိလာရင် အမှန်တရားကရောက်လာဖို့
ခြေလှမ်းသိပ်နှေးလွန်းပါတယ်

“#အချစ်ကအရေးကြီးတယ်”
ဟုတ်ကဲ့
ရယ်စရာအကောင်းဆုံးပြက်လုံးပါ
လူအားလုံးလိုလိုကတော့
ငွေမရှိရင် ရုပ်ဆိုးတယ်လို့မြင်တယ်
ငွေမရှိရင် နံတယ်လို့ထင်တယ်
ငွေမရှိရင် ပိုင်းလုံးလို့မြင်တယ်
ငွေမရှိရင် ရင်မခုန်ကြတော့ပါဘူး

ဒါပါဘဲ
ဘယ်နည်းနဲ့တွေးတွေး
ဘယ်ဖက်ကတွေးတွေး
ငွေရှိမှ အရာအားလုံးလိုလို
အဆင်ပြေနိုင်ပါမယ်

တသောင်း ဆယ်ခါဖြုန်းရင် တသိန်းပါ
တသိန်း ဆယ်ခါဆို ၁၀သိန်းပါ…

ကျွန်တော်တို့ အများကြီးဖြုန်းခဲ့ပြီးပါပြီ

မလိုတာတွေဝယ်ခဲ့ဖူးတယ်

မတန်တာတွေ စားခဲ့ဖူးတယ်

မတန်တာတွေ ဝယ်ဝတ်ခဲ့ဖူးတယ်

မရှိရင်လည်း ချေးငှားပြီးပျော်ခဲ့ဖူးတယ်

သဒ္ဓါမပါဘဲ ကြွားဝါပြီးလှူခဲ့ကြဖူးတယ်

အားနာပြီး ကုန်ခဲ့ကြဖူးတယ်

အချိန်တန်တော့
ကျွန်တော်တို့ဆီမှာ ဘာမှအဖက်တင်မကျန်ခဲ့ဘူး

အသုံးနိုင်ဆုံးဆုလည်းမရခဲ့ဘူး

အစားနိုင်ဆုံး ဆုလည်းမရခဲ့ပါဘူး

အဝတ်နိုင်ဆုံးဆိုပြီးလည်း
ကမ္ဘ္ဘာမကျော် နိုင်ငံမကျော်ခဲ့ပါဘူး…

သူ့နေရာနဲ့သူ
သုံးသင့်တဲ့နေရာသုံး
မဖြုန်းသင့်တဲ့နေရာ မဖြုန်းဘဲ
စနစ်တကျစုဆောင်းသွားတဲ့သူတွေ
အလုပ်လုပ်သွားတဲ့သူတွေကသာ
သူဌေးဖြစ်ပြီး နာမည်ကျော်သွားတာပါ….

ကျွန်တော်တို့ဖြုန်းခဲ့တဲ့အတွက်
ဘာရလိုက်သလဲ?

ဒါ့ကြောင့်
ကျွန်တော်တို့
သိပ်နောက်မကျခင်
ငွေစစုကြရအောင်လား….

ကဲ….
မိတ်ဆွေ
သင် ဖြုန်းမယ်ပြင်ထားတဲ့
ငွေစက္ကူတွေကို
အိတ်ထဲပြန်ထည့်ထားလိုက်ပါ
Crd:lukalay

4 Shares

Add a Comment

Your email address will not be published. Required fields are marked *