ဆယ်စုနှစ်တစ်ခုအတွင်း ပြန်လည်အင်အားဖြည့်တင်းလာသည့် လာအို လေ တပ်မတော်

ဆယ်စုနှစ်တစ်ခုအတွင်း ပြန်လည်အင်အားဖြည့်တင်းလာသည့် လာအို လေ တပ်မတော်
………………
လာအို လေ တပ်မတော်ကို ၁၉၅၅ ဇန်နဝါရ်ီလ ၂၈ ရက်နေ့တွင် လာအိုမြို့ပြလေကြောင်းအဖွဲ့အဖြစ်စတင်ဖွဲ့စည်းခဲ့ပြီး လာအိုဘုရင့်အစိုးရလက်ထက် ၁၉၆၀ ခုနှစ်တွင် လာအိုတော်ဝင် လေ တပ်မတော်အဖြစ် တရားဝင်ဖွဲ့စည်းခဲ့သည်။ T 6,T 28,AC 47,Mig 21 လေယာဉ်များဖြင့် စတင်ဖွဲ့စည်းခဲ့ပြီး လာအိုပြည်တွင်းစစ်၊ ဗီယက်နမ်စစ်ပွဲ ၊ လာအို ထိုင်း နယ်စပ်အရေးအခင်း၊ ခမာပြည်တွင်းစစ် တိုက်ပွဲများတွင် ပါဝင်ခဲ့သည်။

လာအိုဘုရင့်အစိုးရပြုတ်ကျပြီးနောက် လာအိုကွန်မြူနစ်ပါတီအစိုးရလက်ထက် ၁၉၇၆ ခုနှစ်တွင် လာအိုပြည်သူ့လွတ်မြောက်ရေး လေ တပ်မတော် အဖြစ်ပြောင်းလဲဖွဲ့စည်းခဲ့သည်။ ၁၉၉၈ ၁၉၉၉ ခုနှစ်များတွင် လာအိုနိုင်ငံ၏ စီးပွားရေးနှင့်ဘဏ္ဍာရေးအခြေအနေအကြပ်အတည်းကြောင့် ကာကွယ်ရေးစရိတ်လျှော့ချသုံးစွဲရန် လာအိုပြည်သူ့ကွန်ဂရက်မှ ဆုံးဖြတ်ခဲ့ပြီးနောက် လာအို လေ တပ်မတော်၏ Mig 21 တိုက်လေယာဉ်များကို ထိန်းသိမ်းမှုမပြုလုပ်နိုင်တော့ဘဲ အနားပေးခဲ့ရသည်။ ထိုအချိန်မှစ၍ လာအိုလေတပ်တွင် တိုက်ခိုက်ရေးဂျက်လေယာဉ်ဟူ၍ မရှိတော့ဘဲ T 28 D ပန်ကာတပ်လေယာဉ် ၅ စီးသာ ပျံသန်းနိုင်သည့်အခြေအနေရှိခဲ့သည်။ ထိုအခြေအနေမှ ဆယ်စုနှစ်တစ်ခုကြာပြီးနောက် ၂၀၁၀ နောက်ပိုင်းတွင် လာအိုနိုင်ငံ၏ စီးပွားရေးနှင့်နိုင်ငံရေးတည်ငြိမ်တိုးတက်လာမှုတို့နှင့်အတူ ကာကွယ်ရေးစရိတ်ကိုလည်းပြန်လည်မြှင့်တင်ခဲ့ပြီး ရုရှားနိုင်ငံနှင့်တရုတ်နိုင်ငံတို့မှ ရဟတ်ယာဉ်များ၊သယ်ယူပို့ဆောင်ရေးလေယာဉ်များ၊ကင်းလှည့်လေယာဉ်များ ဝယ်ယူခြင်းကို ပြန်လည်ပြုလုပ်ကာ လေတပ်အင်အားကို ပြန်လည်တိုးချဲ့ခဲ့သည်။

မကြာသေးမီက ရုရှားနိုင်ငံထံမှ Yak 130 အပေါ့စားတိုက်ခိုက်ရေးနှင့်လေ့ကျင့်ရေးလေယာဉ် ၄ စီးလက်ခံရရှိခဲ့ခြင်းသည် အဓိကတိုက်ခိုက်ရေးလေယာဉ်မရှိသေးသည့် အိမ်နီးချင်းကမ္ဘောဒီးယားနိုင်ငံနှင့် ဒေသတွင်းနိုင်ငံများအကြား လာအို လေ တပ်၏ပြန်လည်အင်အားဖြည့်တင်းခြင်း အချက်ပြမှုတစ်ခုဖြစ်ခဲ့သည်။ Yak 130 လေယာဉ် ၄ စီးလက်ခံပြီး သီတင်းနှစ်ပတ်အကြာမှာပဲ လာအို လေ တပ်အနေဖြင့် တရုတ်နိုင်ငံထုတ် J 10A တိုက်ခိုက်ရေးလေယာဉ်များ လက်ခံရရှိတော့မည်ဖြစ်ကြောင်းကို လာအိုအစိုးရပိုင်မီဒီယာမှ တရားဝင်ကြေငြာခဲ့ပြီး လာအို လေ တပ်မတော် တံဆိပ် ရိုက်နှိပ်ထားသော J 10A တိုက်လေယာဉ်တစ်စီး မောင်းနှင်ပျံသန်းမှု ပုံများကိုထုတ်ဖော်ပြသခဲ့သည်။

စီးပွားရေးဖွံ့ ဖြိုးတိုးတက်လာမှုနှင့်အတူ စစ်လက်နက်များတိုးမြှင့်ဝယ်ယူဖြည့်တင်းလာမှုများကြောင့် မကြာမီကာလအတွင်း လာအို လေ တပ်မတော်သည်လည်း ဒေသတွင်းနိုင်ငံများကြားတွင် အဆင့်တစ်ခုထိပြန်လည်ရောက်ရှိလာမည်ဟု ခန့်မှန်းရပါသည်။…

Sources from Internet

Blueseasktmm

10 Shares

Add a Comment

Your email address will not be published. Required fields are marked *