၁၆ရက်ကြာ ပျောက်ဆုံးနေသည့် ကလေးငယ်ကို ခေါင်းပြတ်လျှက် ပြန်တွေ့

ရပ်စောက်၊ဇန်နဝါရီ ၆

ရှမ်းပြည်နယ်(တောင်ပိုင်း) ရပ်စောက်မြို့နယ် ယမ်းတွင်းငါးကြောင်ကျေးရွာအုပ်စု မြေမဲကျေးရွာရှိ နေအိမ်ပြောင်းခင်းအနီး ဒီဇင်ဘာ ၂၂ရက်က ပျောက်ဆုံးသွားသည့် အသက် နှစ်နှစ် နှစ်လ အရွယ် ယောင်္ကျားလေးကို ယနေ့ ညနေပိုင်းတွင် ဦးခေါင်းပြတ်လျှက် ပြန်လည်တွေ့ရှိခဲ့ကြောင်း ရပ်စောက်မြို့နယ် အမှတ်၁ ပြည်နယ်လွှတ်တော်ကိုယ်စားလှယ် ဦးခိုင်ညီညီကျော်ထံမှ သိရသည်။

” ဖြစ်စဉ်က ၂၂ရက်နေ့ မွန်းလွဲ ၂နာရီမှာ မိဘများဖြစ်တဲ့ ကိုစံခမ်း မခမ်းဆင် တို့ဟာ သူတို့ရဲ့ တောင်ယာ ထဲမှာဆောက်ထားတဲ့ ခြေတံရှည်တဲအနီးမှာ သား၂ယောက်ကို ထားခဲ့ပြီး ပြောင်းချိုးနေခဲ့ကြပါတယ်။ အကြီး လေးက ၆နှစ် အငယ်လေးက နှစ်နှစ်နှစ်လသာ ရှိပါသေးတယ်။ သူတို့ပြောင်းချိုးအလုပ်လုပ်ရင်း သားနှစ်ယောက်ဆော့ကစားနေတဲ့ အသံကို မွန်းလွဲ၂နာရီကျော်အထိကြားနေရပါတယ်။ ၃နာရီကျော်လောက် ပြောင်းသိမ်းပြီးယာတဲအနားပြန်လာချိန်မှာတော့ သားအကြီးက တဲအပေါ်ထပ်မှာအိပ်ပျော်နေပြီး သားအငယ်က ပျောက်နေပါတယ်။

သူတို့ရဲ့ ယာခင်းက ဟိုပုံးမြို့နယ်ထဲမှာရှိတဲ့အတွက်
တောင်ကြီးခရိုင်ရဲတပ်ဖွဲ့ ၊ရပ်စောက်၊ ဟိုပုံး ရဲတပ်ဖွဲ့တို့ ရွာသူရွာသားတွေနဲ့ပူးပေါင်းရှာဖွေခဲ့တာဖြစ်ပါတယ်။
ပျောက်သွားတဲ့ နေရာနဲ့ ၃ဖာလုံ အကွာမှာအခုလို ပြန် တွေ့တာပါ။ အသက်ရှင်လျှက် ပြန်မတွေ့ရတဲ့ ကလေးလေးအတွက် ဘယ်လိုမှစိတ်မကောင်းပါဘူး။ အမှုမှန်ပေါ်ပေါက်ရေးအတွက်ကြိုးစားပြီးအစွမ်းကုန် ဆောင်ရွက်သွားပါ့မယ်။”ဟု ၄င်းကပြောသည်။

BZ
The Speaker
Photo – Khaing Nyi Nyi Kyaw FB

15 Shares

Add a Comment

Your email address will not be published. Required fields are marked *