နာမည်​အရမ်းကြီး​နေတဲ့ အပူပိုင်း​ဒေသရဲ့ အို​အေစစ်​​လေး

မ​ကွေးတိုင်း​ဒေသကြီးမှ
စလင်းဝက်သည်းကန်ဆီသို့ အရောက်တစ်ခေါက်လာခဲ့စေချင်သည်
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

စစ်ကြည်(စလင်း)

မကွေးတိုင်းဒေသကြီးသည် မြေလတ်ဒေသဖြစ်ပြီး မြို့နယ် အားဖြင့် ၂၅ မြို့နယ်ရှိသည့်အနက် စလင်းမြို့နယ်သည် တစ်မြို့ နယ်အပါအဝင်ဖြစ်သည်။ စလင်းမြို့လေးတွင် ထူးခြားစွာ တည်ရှိနေသည်ကတော့ ဝက်သည်းကန် မင်္ဂလာပင်ဖြစ် ပေသည်။ စလင်းမြို့ကလေးသည် ဧရာဝတီမြစ်၏ အနောက် ဘက်ကမ်းမေးတင်လျက် သာယာလှပစွာ တည်ရှိနေသည်။

မကွေးမြို့နှင့် မိုင် ၄ဝ ခန့်ကွာဝေးပြီး ချောက် – ဆိပ်ဖြူ လမ်းကလေးမှ လှမ်းလာရင်လည်းစလင်းမြို့သို့ ရောက်နိုင်ပါ သည်။ ချောက်မှလာမည်ဆိုလျှင် ၃၅ မိုင်ခန့်သာကွာဝေးသည်။သွားလမ်းသာ၍လာလမ်းဖြောင့်ဖြူးသဖြင့် လမ်းပန်းဆက်သွယ် ရေးကလည်း အထူးကောင်းမွန်လှပါသည်။

ဝက်သည်းကန်ကြီးသည် စလင်းမြို့၏ အနောက်ဘက် တွင်ကပ်၍ တည်ရှိသည်။ ဤဝက်သည်းကန်ကြီးကို သက္ကရာဇ် ၁၁၉၄ ခုနှစ် ကောဇာသက္ကရာဇ် ၅၅၆ ခုနှစ်တွင် ပုဂံပြည့်ရှင် နရပတိစည်သူမင်းကြီးက စလင်းမြို့ကို တိုင်းခန်းလှည့်လည် လာစဉ် မင်းကြီး၏မိဖုရားငယ်ရှင်စောဝက မင်းကြီးထံ ခွင့်တောင်း၍ တူးဖော်ပေးခဲ့သောကန်ကြီးဖြစ်သည်။ မူလ ကန်ကြီးကို တူးဖော်ရခြင်း၏ ရည်ရွယ်ချက်မှာ မိဖုရားငယ် ရှင်စောဝ၏ အြေ>ွခအရံသင်းပင်းများ လယ်ယာစိုက်ပျိုးရာတွင် စလင်းဒေသသည် မိုးခေါင်ရပ်ဝန်းဒေသဖြစ်၍ စိုက်ရေးပျိုးရေးကို ရာသီမရွေးလုပ်ကိုင်နိုင်ရန် ရည်ရွယ်၍တူးဖော်ခဲ့ဟန်တူပါသည်။
ဤသို့တူးဖော်ရာတွင် ရှေးမြန်မာတို့၏ထုံးစံအယူအဆများ အတိုင်း ကျွန်းကန္နား၊ မဏ္ဍပ်များ တည်ဆောက်ပြီး ဆိုင်ရာပိုင်ရာ နယ်တော်ရှင်၊ ပါယ်တော်ရှင်များကို ပင့်ဖိတ်ပြီးဗလိနတ်စာများ ကျွေးမွေးပူဇော်ခဲ့ရာ စွန်ရဲတစ်ကောင်သည် ဝက်အသည်း တစ်ခုကို အရှေ့အရပ်မှကိုက်ချီကာ စလင်းမြို့၏ အနောက် ကုန်းတန်းတစ်လျှောက်ဝဲပျံပြီး တစ်ခုသောနေရာတွင် ဝက်အသည်းကို လွှတ်ချခဲ့ပေသည်။ ယင်းအတိတ်နိမိတ်ကို ယူ၍စွန်ရဲမှ ဝက်အသည်း လွှတ်ချခဲ့သည့်နေရာအား မင်္ဂလာ ယူကာ ကန်တော်မင်္ဂလာကို တူးဖော်ခဲ့သည်။ ကန်၏အကျယ်အဝန်းကိုလည်း စွန်ငှက်ဝဲပျံသည့် နေရာအတိုင်း တူးဖော်ခဲ့သဖြင့် ကန်ကြီးကိုဝဲသည်ဟု ဆိုကြသည်။ နောက်မှ အသံညင်သာမှုကို လိုက်၍ ”ဝက်သကန်” ”ဝက်သည်းကန်”ဟု ဖြစ်ပေါ်လာကြောင်း သမိုင်းအဆိုအရ မှတ်သားရပေသည်။ မည်သို့ပင်ဖြစ်စေ အကြောင်းအရာနှစ်ခုကို ယုတ္တိသင့်သည် မှီမည်သို့ပင်အယူအဆကောက်ကောက်မမှားနိုင်ပါ။ ဤအချိန် မှစတင်၍ စလင်းတွင်ဝက်သည်းကန်ကြီး ပေါ်ထွန်းခဲ့သည်။

ဝက်သည်းကန်ကြီး၏ မူလအကျယ်အဝန်းမှာ အနောက် ဘက်တွင် ကန်ဘောင်ကျေးရွာအုပ်စု၊ အောက်လှိုင်းကျေးရွာ အုပ်စု၊ ဆင်ကျုံးကျေးရွာအုပ်စု၊ တမာချောင်းကျေးရွာအုပ်စု များ၏ နယ်နိမိတ်အတွင်း ၁ ဒသမ ၇ စတုရန်းမိုင်၊ ဧကအားဖြင့် ၁ဝ၈၈ ဧက ကျယ်ဝန်းသည်။ ထိုကန်တော်ကြီးကို လွတ်လပ်ရေး ရပြီး ၁၉၅၃ ခုနှစ်မှ စတင်၍ နိုင်ငံတော်အစိုးရက သားငှက်ဘေး မဲ့ကြိုးဝိုင်းအဖြစ် သတ်မှတ်ထိန်းသိမ်းစောင့်ရှောက်ပေးခဲ့သည်။ ဝက်သည်းကန်ကြီးအား ရေကြိုးဝိုင်းအဖြစ်သတ်မှတ် ပေးခဲ့ပြီး ကန်ကြီးတွင်ကျက်စားလျက်ရှိသော ရေနေသတ္တဝါများ၊ ငှက်မျိုးစိတ်များ မျိုးဆက်မသုဉ်းရအောင် ကြိုးဝိုင်းသတ်မှတ် ထိန်းသိမ်းပေးခဲ့သည်။ ယခုအခါ စလင်းမြို့နယ်သစ်တောဦးစီး ဌာနမှ စောင့်ရှောက်ထိန်းသိမ်းပေးလျက်ရှိသည်။ ကန်ကြီး အတွင်းသို့ မိုးရာသီအချိန်တွင် လင်းဇင်းဆည်မှ စပါးစိုက် ပျိုးရန်လွှတ်သောရေများမှ ရေပိုများစီးဝင်စေခြင်းဖြင့် လည်းကောင်း၊ မိုးရွာသွန်းသဖြင့် ချောင်းချောက်များမှတစ်ဆင့် စီးဝင်သောရေများဖြင့် လုံလောက်သောကန်ရေရရှိပေသည်။ ကန်ကြီး၏တောင်ဘက်တွင် ရေတံခါးတစ်ခု ပြုလုပ်ထားပြီး ပိုလျှံရေများကိုအဆိုပါရေတံခါးမှ ဖောက်ထုတ်ပေးသည်။ ကန်ကြီး၏ရေပိုရေများဖြင့် ဆင်ကျုံးကွင်း၊ ရှမ်းစုကွင်း၊ ကူဖြူကွင်း၊ ကူတိုကွင်း၊ မကျီးပင်ကွင်း စသည်တို့မှ လယ်ဧက ၂ဝဝဝ ကျော်ကိုလည်း ရေသွင်း၍စပါးစိုက်ပျိုးကြ သည်။

သို့သော်ကန်ကြီးမှာ ယခုအခါ နှစ်ပေါင်း ၈၂၃ နှစ်ရှိပြီ ဖြစ်၍ အဘက်ဘက်မှ ပျက်ယွင်းလျက်ရှိသည်။ မိမိတို့ သိသလောက်ဆိုလျှင် ကန်ကြီးကို အကြီးစားပြင်ဆင်တူး ဖော်ပေးခြင်းမရှိခဲ့ပေ။ သို့ဖြစ်၍ ကန်ကြီး၏ရေပြင်အကျယ်မှာ ယခုအချိန်တွင် ဧက ၅၃ဝ ခန့်သာ ကျန်ရှိတော့သည်။ အခုအစိုးရလက်ထက် ၂ဝ၁၆-၂ဝ၁၇ ဘဏ္ဍာရေးနှစ်တွင် ကန်ကြီးမျက်နှာစာ ရေထိန်းအုတ်ရိုးနှင့် လျှောက်လမ်းပေ ၅ဝဝ အတွက်ခွင့်ပြုငွေကျပ် ၁၄၆၄၄၂၂၃ ခွင့်ပြုပေးခဲ့ပြီး ဖေဖော်ဝါရီ ၁၄ ရက်မှစတင်၍ လုပ်ငန်းများ ဆောင်ရွက်ပြီး မတ်လတွင် လုပ်ငန်းများပြီးစီးမည်ဖြစ်သည်။ ကန်ကြီးအတွင်း တွင် လွန်ခဲ့သောနှစ်ပေါင်း ၂ဝဝဝ ကျော်ခန့်က သီရိဓမ္မာသောက မင်းကြီး တည်ထားကိုးကွယ်ခဲ့သော ရွှေမုဋ္ဌောစေတီတည်ရှိ ပေသည်။

ကန်ကြီးအတွင်းတွင် စောင်းတန်းတံတားများနှင့် တည်ဆောက်ထားရှိသည်။
ဝက်သည်းကန်ကြီးနှင့်မနီးမဝေးတွင် နှစ်ပေါင်း ၁ဝဝ ကျော်ပြီဖြစ်သော ရှေးဟောင်းရုပ်စုံ ကျောင်းတော်ကြီးရှိ၍ ကန်ကြီးကိုရောက်ပါက တစ်ဆက်တည်း လေ့လာကြည့်ရှုနိုင် သည်။ ယခုအခါတွင် ကန်ကြီးအတွင်းသို့ လှည့်ပတ်ကြည့်ရှုရန် အပျော်စီးစက်လှေများလည်းရှိနေပြီဖြစ်၍ ကန်၏ရေပြင်အလှ ရှုမျှော်ခင်းများကို စက်လှေဖြင့် လှည့်ပတ်ကြည့်ရှုနိုင်ပြီဖြစ်သည်။
စလင်းမြို့မှ မန်းရွှေစက်တော်ဘုရားသို့လည်း အချိန်တို အတွင်း သွားရောက်ဖူးမြော်နိုင်သည်။ သို့ဖြစ်ပါ၍ ယခုကဲ့သို့ သာယာသည့် နွေဦးကာလအတွင်း စလင်းမြို့သမိုင်းဝင် ဝက်သည်းကန်ကြီးသို့ တစ်ခါတစ်ခေါက်လာရောက် လည်ပတ် ကြည့်ရှုကြပါရန် ဖိတ်ခေါ်လိုက်ရပေသည်။

https://www.facebook.com/groups/233891547282167/

86 Shares

Add a Comment

Your email address will not be published. Required fields are marked *