မြောက်​ကျွန်း​နေသူများ အ​ကြောင်း

★ ​မြောက်​ကျွန်း​နေသူများ အ​ကြောင်း
_____________________________

ဥတ္တရကုရု ခေါ်သော မြောက်ကျွန်း​၌
နေထိုင်ကြသည့်လူတို့သည် အမြဲနိစ္စ ငါးပါးသီလကို လုံခြုံ ကြသည်။
ငါးပါးသီလ လုံခြုံ သူတို့၏ ဓမ္မတာ သိဒ္ဓိကြောင့် အောက်ပါ ဝိသေသန အကျိုးထူးများကို ခံစားကြရ၏။

၁။ အိုးအိမ်တိုက်တာ
(နေစရာအတွက် အထူးဆောက်နေဖွယ်မလို၊ သစ်ပင်များက နေထိုင်မှုအတွက် ကိစ္စပြီးစေသည်။

၂။ မြောက်ကျွန်း​နေလူတို့မှာ
ရှည်ခြင်း ပုခြင်းစသော အပြစ်မျိုး ကင်းသည်၊ လုံးရပ်သဏ္ဍာန်နှင့် ပြည့်စုံ၍ ကိုယ်လုံးကိုယ်ဖန် အရပ်အမောင်း တူညီကြသည်။

၃။ ဇရာ ရောဂါအနှိပ်အစက်မခံရ၍
ဆံပင်ဖြူ ခြင်း သွားကျိုးခြင်း အရေတွန့်ခြင်း အင်အား ကုန်ခမ်းခြင်း မရှိပေ။

၎။ အသက်မွေးဝမ်းကျောင်းတွက် အာဟာရပရိယေသန ဒုက္ခကင်းသည်။

၅။ မှက်၊ ခြင်၊ ယင်၊ ကြမ်းပိုး စသော
သတ္တဝါတို့၏ ကိုက်ခဲမှု မခံရ။

၆။ စားသောက်မှုအတွက်
ဝယ်ရ၊ သွားရ၊ ချက်ရသော ဒုက္ခမျိုး ကင်းသည်။ အခွံမပါ ဖွဲကင်းသော သလေးဆန်ကို အာဟာရအဖြစ် သုံးဆောင်ရသည်။

ပကတိ ထင်းမီးဖြင့် ချက်မနေရ၊ ဇောတိကမည်သော ရတနာကျောက်တုံးပေါ်တင်လိုက် လျှင် ချက်ပြီး ဖြစ်၏။
ဟင်းနှင့်ဟင်းလျှာအတွက် သီးခြား စီမံနေစရာ မလို၊ စားလိုသူက အချဉ်တမ်းတလျှင် အချဉ်၊ အချို တမ်းတ လျှင် အချို အရသာ ပေါ်လာ၏။

၇။ အထက်ဖော်ပြပါ အာဟာရကို မှီဝဲသောကြောင့် နူနာ၊ ပွေး၊ ညှင်း၊ တင်းတိပ်နာ၊ ချောင်းဆိုးပန်းနာ၊ မြစ်ချောက်နာ၊ အရှုးရောဂါနှင့် အိုနာများ ကင်းဝေး သည်။

၈။ မြောက်ကျွန်း​နေလူအချင်းချင်း
မနာလို ဝန်တိုစိတ် ကင်းရှင်းကြသည်။

၉။ ရာသီဥတု မျှ တသည်။
အပူလွန်ကဲမှု၊ အအေးလွန်ကဲမှု ရာသီဒဏ် မခံရ။

၁၀။ မြောက်ကျွန်း​၌
တန်ခိုးကြီးသော ဘုရား ပစ္စေကဗုဒ္ဓါတို့ ဆွမ်းခံကြွမြဲ ဓမ္မတာဖြစ်၍ ထူးခြားသည်။

၁၁။ မြောက်ကျွန်း​​၌ ကုန်းသူ၊ ကွသူ၊ ကောက်သူ၊ ကွေးသူ၊ ခွင်သူ၊ လေငန်းဆွဲသူ၊ အင်္ဂါချို့ တဲ့သူ၊ ဣနြေ္ဒချို့ တဲ့သူ မရှိချေ။

၁၂။ အမျိုးသမီးများ ၆ ပြစ်ကင်း၍
အရုပ်ဆိုးသူ မရှိ၊ ၁၆နှစ်အရွယ် ထင်မှတ်ရသည်။ အမျိုးသားများ ၂၅ နှစ် အရွယ်မှာ တည်သည်။

၁၃။ သားသမီးငယ်များက
မိဘတို့ကို နားပူနားဆာ မလုပ်ကြ၊
တွယ်ကပ်၍ မနေကြ။

၁၄။ မြောက်ကျွန်း​နေလူတို့
ကာမကိစ္စ တစ်သက်လုံးမှာ (၇)ရက်သာ ခံစားကြ၏။

၁၅။ ကိုယ်ဝန်တည်ရခြင်း ဒုက္ခ၊ လွယ်ရခြင်း ဒုက္ခ၊ ဖွားရခြင်း ဒုက္ခတို့မှလည်း ကင်းသည်။

၁၆။ မိဘတို့က ရင်သွေးငယ်အတွက် ကြောင့်ကြစိုက်စရာမလို။
ကလေးများဆော့ကစားရာ အိပ်ပျော်ရာမှာ ထား၍ လိုရာသွားနိုင်သည်။
တွေ့သူက အစားကျွှေး နို့တိုက်သည်။ ကလေးများကံကြောင့် လက်ညှိုးမှ နို့ထွက်သည်။

၁၇။ အဝတ်အတွက် ပူစရာမလို၊ ပဒေသာပင်မှရ၏။

၁၈။ ရေချိုးသည့်အခါ စုပေါင်းရေချိုးကြသည်။ အဝတ်ကို စုပုံထားသည်။ ပထမရေချိုးပြီးသူက အပေါ်ဆုံးမှ အဝတ်ကို ယူဝတ်သည်။
ငါ့ဟာသူ့ဟာ ငြင်းခုံမှုမရှိ။

၁၉။ သေသူအတွက်
ကျန်ရစ်သူများပူဆွေးသောကမဖြစ်၊ မငိုကြွေးပေ။

၂၀။ အပုပ်နံ့ မရှိ၊ သုသာန်သင်္ချိုင်းထားစရာ မလို၊ သေသူ၏ ရုပ်ကလာပ်ကို အဝတ်ဖြင့် ထုတ်ပတ်၍ ချထားရသည်၊
ကုသိုလ်ကံအဟုန်ကြောင့် ဖြစ်ပေါ်လာသော ငှက်ကြီးများက တခြားကျွန်းသို့ ယူဆောင်သွားကြ သည်။

၂၁။ သေပြီးနောက် နတ်ပြည်ရောက်၏်။
ငရဲ တိရစ္ဆာန် ပြိတ္တာ မဖြစ်ချေ။

၂၂။ အနှစ်တစ်ထောင် သက်တမ်းမြဲသည်။
__________________________

Credit to သာရတ္ထဒီပနီဋီကာမှ
Copy အရှင်ကေသရ[မေတ္တာရေစင်]

259 Shares

Add a Comment

Your email address will not be published. Required fields are marked *