တောင်သမန်ကို ကယ်တော်မူပါ

တောင်သမန်ကို ကယ်တော်မူပါ

ကိုကျော်ကြီးရေ တောင်သမန်အင်းထဲကို မြေတွေ အကြီးအကျယ်ဖို့နေကြပြန်ပြီတဲ့

တောင်သမန်အင်းဘေးက ပြည်သူတွေက ဓာတ်ပုံရိုက် သတင်းလာပေး အကူအညီတောင်းကြတယ်

ကျွန်တော် တောင်သမန်သစ္စာစီမံကိန်းနဲ့ပတ်သက်ပြီး ဆောင်းပါးရော ၊ ပို့စ်တွေရော အကြိမ်ကြိမ်ရေးခဲ့ပြီးတာ အားလုံးအသိပါ။

ခဏပဲ ဟန်ပြထူးခဲ့ပါတယ်။

ခုလည်း ဒေသခံပြည်သူများရဲ့ လာရောက်ပြောပြ အကူအညီတောင်းကြတာကို မနေနိုင်စွာနဲ့ တာဝန်သိစွာ တင်ပြခြင်းသာဖြစ်ပါတယ်။

အဲ့တော့ တောင်သမန်သစ္စာစီမံကိန်းနဲ့ ပတ်သက်ပြီး အနည်းငယ်ပြန်ပြောချင်တာက

တောင်သမန်သစ္စာစီမံကိန်းဟာ တောင်သမန်အင်းအတွင်း မြေဖို့ခြင်းကျုးကျော်ခြင်း၊ တံတားအရှေ့ဘက်ခြမ်းကို ဖြေဖို့ပြီးလမ်းဖောက်ခြင်း၊ စီမံကိန်းဆိုင်းဘုတ်ဟာ ရှေးဟောင်းဦးပိန်တံတားနဲ့ အလွန်နီးကပ်နေခြင်း ၊ အဆောက်အုံတွေဟာ သတ်မှတ်အမြင့်ပေထက် ကျော်လွန်နေခြင်းတို့ကြောင့် NLD အစိုးရသစ်တက်လာပြီးနောက် ၄င်းစီမံကိန်းကို မန်းစည်ပင်၊ ရှေးဟောင်းဌာန၊ သယံဇာတနှင့် သဘာဝပတ်ဝန်ကျင်ထိန်းသိမ်းရေး ၀န်ကြီးဌာနတို့ကနေ အကြိမ်ကြိမ်တားမြစ်ခဲ့ပါတယ်။

ဒါပေမယ့် လိုက်နာမှုမရှိခြင်းတို့ကြောင့် ၂၀၁၆ခုနှစ် စက်တင်ဘာလ ၁၀ ရက်နေ့မှာ မန်းမြို့တော်ဝန်ဦးရဲလွင်ကိုယ်တိုင် ကွင်းဆင်းစစ်ဆေးပြီး စီမံကိန်းကို ပြန်လည်စစ်ဆေးမယ် စစ်ဆေးဆဲကာလမှ လုပ်ငန်းအားလုံးရပ်နားထားရမယ်လို့ အမိန့်ထုတ်ပြန် တားမြစ်ခဲ့ပါတယ်။

ဒါပေမယ့် ၂၀၁၇ ခုနှစ်ထဲမှာ အရှိန်အဟုန်နဲ့ လုပ်ငန်းပြန်စခဲ့တယ်။ ဘယ်သူ့အမိန့်နဲ့ ဘယ်လိုတွေလက်ဝါးရိုက်ပြန်စလဲတော့မသိဘူး

အဆောက်အဦးတွေအမြင့် ပေ ၄၀ ကျော်နေတာ ပြန်ဖျက်ရမယ်ပြောခဲ့တယ်။ လက်တွေ့မှာ မဖျက်ခဲ့ဘူးလို့ ပြောကြပါတယ်။

ရှေးဟောင်းသမိုင်းဝင် ဧရိယာအတွင်း စီမံကိန်း ဖော်ဆောင်မည်ဆိုပါက ပေ ၁၅၀၀ အကွာတွင်လုပ်ရမှာလို့ သတ်မှတ်ချက်ရှိတယ်။ ဒါပေမယ့် ခုဟာက ပေ ၃၀၀ တောင်မကွာ မြေတွေဖို့နေကြတယ်။ ဆောက်နေကြတယ်တဲ့

အဲ့တော့ တောင်သမန်ကို ဘယ်သူမှ မကယ်နိုင်ကြတော့ဘူးလား

ဒါက တံတားအရှေ့ထိပ်က စီမံကိန်းပါ။ ရတနာပုံတက္ကသိုလ်သွားတဲ့လမ်းမှာ ဖို့နေတာက စီမံကိန်း တစ်ခုပါ ။

ပြည်သူအားလုံးက မြစ်ဆုံကို ၀ိုင်းပြီးစိတ်ဝင်စားနေချိန်မှာ ခုလိုပြည်တွင်းမှာ လှိုက်စားဖျက်စီးခံနေရတာတွေ အများကြီးဆိုတာ သတိပြုမိကြစေလိုပါတယ်။

(ပုံလေးတွေ တစ်ပုံချင်းထောက်ကြည့်ပါ)

– ကျော်ကြီး(MDY)

0 Shares

Add a Comment

Your email address will not be published. Required fields are marked *