ကချင်ပြည်နယ် ပန်ဝါဒေသ တွင်​ တရုတ်​များ အတင်းအဓမ္မဝင်​​ရောက်​​နေ

0 Shares

ကချင်ပြည်နယ် ပန်ဝါဒေသ ဆင်းခုံးကျေးရွာအနီးအနားမှာရှိသည့်စမ်းချောင်းတစ်ခုအား တရုတ်နိုင်ငံသားများမှ ပိတ်ဆို့၍ တောတောင်များကို ဖြိုချ ဖျက်ဆီးကာ သယံဇာတများကို ရှာဖွေတူးဖော်နေကြတယ်ဆိုတဲ့သတင်းကို ရင်းနှီးရတဲ့ညီမတစ်ယောက်က ပေးပို့လာတဲ့အတွက် သိရပါတယ်။

 


ထို့ကြောင့် မိမိတို့နိုင်ငံ၏ပိုင်နက်ကို တရုတ်နိုင်ငံသားများ အမှန်တကယ် ကျူးကျော်ကာ လုပ်ဆောင်နေမှုများ ဟုတ် မဟုတ် သက်ဆိုင်ရာ ကချင်ပြည်နယ်အစိုးရမှ သွားရောက်ပြီး မြေပြင်အခြေအနေကို စစ်ဆေးဖို့ လိုအပ်နေပါပြီ၊ ဒီအတွက် မည်သူများ၏ခွင့်ပြုချက်နဲ့ယခုလိုလုပ်ဆောင်နေသည်ကိုလည်း ကချင်ပြည်နယ်အစိုးရမှသိရှိအောင် လုပ်ရပါလိမ့်မယ်။

 

တကယ်လို့များ အဲဒီနယ်မြေဟာ လုံခြုံရေးအရ နယ်မြေစိုးမိုးမှု မရှိလျှင်လည်း လက်နက်ကိုင်အစောင့်အရှောက်များကို ခေါ်ဆောင်ကာ သွားရောက်ရပါလိမ့်မယ်၊ ဒီအတွက် သွားလာဖို့ ဘယ်လိုသော ခက်ခဲမှုများ ရှိနေတယ်ဆိုရင်တောင် သွားလို့ရတဲ့နည်းလမ်းမှန်သမျှကို အသုံးပြုပြီး သွားရပါမယ်။

ဒီလိုသွားရောက်စစ်ဆေးပြီးလို့ မှန်ကန်ပြီဆိုလျှင် ထိုသူများအား အရေးယူရပါလိမ့်မယ်၊ ဒီလိုဆောင်ရွက်ဖို့ ကချင်ပြည်နယ်အစိုးရအနေဖြင့် အခွင့်အာဏာ မရှိဘူးဆိုလျှင်လည်း ပြည်ထောင်စုအစိုးရအား သတင်းပို့ပြီး ကိုယ့်ပိုင်နက်အတွင်း စော်စော်ကားကား မထီမဲ့မြင် ကျူးကျော်ကာ ဝင်ရောက် နေထိုင် လုပ်ကိုင်နေသူများအား နောင်ကျဉ်သွားအောင် ပြင်းပြင်းထန်ထန် အရေးယူ အပြစ်ပေးစေချင်ပါကြောင်း ပြည်သူတစ်ယောက်အနေဖြင့် နိုးဆော်လိုက်ရပါတယ်။

Myintthan Tun
———————————————-
သက်ဆိုင်ရာလူကြီးမင်းများ စစ်ဆေးစေလို

ပန်ဝါဒေသဆင်းခုံးကျေးရွာအနီးတဝက်ရှိစမ်းချောင်းရေကြည်ကိုတရုတ်တွေကဆည်ပိတ်ပြီးပိုက်လုံးသွယ်တန်းကာဓါတုဆေးဖေါ်စပ်ထားသောအရည်နဲ့မြောက်မြားစွာ ဖေါက်ထားသောကျင်းထဲသို့သွန်းလောင်းကာသတ္တုများတူးဖေါ်နေပါတယ်။ ရွာသားများ၏ နွား ၊ ဆိတ်စားကျက်မြေ ပျက်စီးခြင်းခံနေရပါတယ်။ ချောင်းရေဟာရေကြည်မှရေနောက်ပြောင်းလဲရပါသဖြင့်တရိစ္ဆာန်များသောက်သုံးရန် ခက်ခဲနေပါတယ်။ဒေသခံများကချောင်းရေထဲတွင် ဓါတုအဆိပ်ရည်ပါနေလို့ချောင်းရေကိုမထိရဲကြတော့ဘူးလို့ပြောပြကြတယ်။

 

 

၎င်းင်းချောင်းထဲမှငါးကိုမစားသုံးကြဖို့လဲတိုက်တွန်းဆော်သြမှုတွေ လုပ်နေတယ်လို့လည်း ပြောကြပါတယ်။တရုတ်တွေကမည်သူ့ခွင့်ပြုမိန့်နဲ့တောတောင်တွေကို ဖျက်ဆီးပြီး သယံဇာတတွေကိုတူးယူနေတယ်ဆိုတာကိုသိရှိအရေးယူနိုင်ဖို့နဲ. ဒေသခံပြည်သူများ၏အခွင့်အရေးကိုကာကွယ်ပေးနိုင်ရန်တင်ပြလိုက်ပါတယ်။
Myinttham Tun.

📷& News credit to Original

0 Shares

Add a Comment

Your email address will not be published. Required fields are marked *