ပြည်ကြီးငါး၊ ရေဘဝဲ၊ ကင်းမွန်တို့ကို မသဲကွဲတဲ့ လူတွေအတွက်

စားသောက်ဆိုင်တွေ ပေါများလာတဲ့ ယနေ့ခေတ်မှာ ပင်လယ်စာကို စားသုံးတဲ့သူတွေလည်း များပြား လာပါတယ်။

ပင်လယ်နဲ့ နီးစပ်တဲ့ ဒေသမှာ နေထိုင်တဲ့သူတွေကတော့ ပြည်ကြီးငါး၊ ရေဘဝဲ၊ ကင်းမွန်တို့ကို ကောင်းကောင်းမွန်မွန် ခွဲခြား တတ်ပေမယ့် ကုန်းတွင်းပိုင်းဒေသက လူတွေအတွက်ကတော့ ရုတ်တရက်ဆို ခွဲခြားရ နည်းနည်း ခက်ပါလိမ့်မယ်။ အဲဒါကြောင့် ပြည်ကြီးငါး၊ ရေဘဝဲနဲ့ ကင်းမွန်တို့ရဲ့ ဈေးမှာရောင်းတဲ့ ဈေးနှုန်းတွေနဲ့ အတူ ပုံကိုပါ တပါထဲ ဖော်ပြ လိုက်ပါတယ် ခင်ဗျာ။

ပြည်ကြီးငါး

အသားက နူးညံ့ပြီး ရန်ကုန်မှာ ဈေးတိုင်းမှာ မရဘူး။ သံဈေးမှာတော့ ပေါတယ်။ လတ်တလော ပေါက်ဈေးအရ အကောင် အကြီးအသေးအလိုက် တစ်ပိဿာ ၁၂၀၀၀ ကနေ ၁၈၀၀၀ ထိ ရှိတယ်။ ပိစိလေးတွေကတော့ ပေါပါတယ်။

အကောင်ကြီးလေ အသားထူလေ ပါးပါးလှီးပြီး သုပ်စားလို့ကတော့ ရှယ်ပဲ။ MSK မှာ ပင်လယ်စာထမင်းကြော်၊ ပင်လယ်စာဟင်းကအစ ပြည်ကြီးငါးပဲ သုံးပေးတယ်။ သန်လျင်ဈေးထဲမှာတော့ အလတ်ဆိုဒ်လောက်တောင် ၂၀၀၀၀ ဈေးလောက် ရောင်းကြတယ်။

ရေဘဝဲ

hwya ကတော့ ရေဘဝဲ အကြိုက်ဆုံးပဲ။ ပြည်ကြီးငါး ကင်းမွန်တို့လို ကိုက်ရင် ထုတ်ကနဲ မပြတ်သွားပဲ နည်းနည်း ပျင်းတွဲတွဲ နဲ့ ဝါးရတာ ကြိုက်တဲ့သူတွေအတွက် အဆင်ပြေတယ်။ ဈေးလဲ သက်သာတယ်။ တစ်ပိဿာ ၉၀၀၀ ကနေ ၁၀၀၀၀ ဝန်းကျင်မှာပဲ ရှိတယ်။

ကင်းမွန်

ကင်းမွန်နဲ့ ပြည်ကြီးငါးကို တော်တော်ကြီး မကွဲကြဘူး။ MSK မှာက ပြည်ကြီးငါးပဲရောင်းတော့ အဲ့ ကင်းမွန် ပြည်ကြီးငါး ပြသနာ အမြဲရှင်းရတယ်။ ပြည်ကြီးငါးခွက်ကြီး ကိုင်ပြီး ဒီကင်းမွန်တွေ ဈေးထဲ ဒီလောက်ပေါတာ ဆိုပြီး ရန်တွေ့တာလဲ ကြုံဖူးပါတယ်။ ကင်းမွန်က ညှီတယ်။ အကောင် တော်တော်ကြီးထိ အသားက အရမ်းကြီး မထူဘူး။ ကင်းမွန်က ဈေးပေါ တယ်။ တစ်ပိဿာ သုံးလေးထောင်ပဲ ရှိတယ်။ ဆိုဒ်အရမ်းကြီးမှ ဈေးနည်းနည်းကောင်းယုံပဲ။ အသေးလေးတွေများဆို တခါတလေ ၃၀ သား လောက်ပါတဲ့ တစ်ဘန်းလုံးမှ တစ်ဘန်း ၅၀၀ ဆိုပြီး ရောင်းကြတယ်။

ပြည်ကြီးငါးသည် ပြည်ကြီးငါး ဖြစ်ပြီး ကင်းမွန်သည် ကင်းမွန်ဖြစ်ပါသည်။ သို့ပါသောကြောင့် ပြည်ကြီးငါးကို ကင်းမွန် ဈေးနှင့် မရောင်းနိုင်ပါ။ ပြည်ကြီးငါးနှင့် ကင်းမွန် သဲကွဲနိုင်ကြပါစေ

Credit:Hlwan Wint Yee Aung

3 Shares

Add a Comment

Your email address will not be published. Required fields are marked *