အာရှယူ-၁၉အမျိုးသမီးခြေစစ်ပွဲ မန္တလေးမြို့၌ ကျင်းပမည်

9 Shares

မြန်မာယူ-၁၉အမျိုးသမီးအသင်း ဝင်ရောက်ယှဉ်ပြိုင်ခွင့်ရထားသည် ၂၀၁၉အာရှယူ-၁၉အမျိုးသမီးခြေစစ်ပွဲဒုတိယအဆင့်ကို မြန်မာနိုင်ငံက အိမ်ရှင်အဖြစ် လက်ခံကျင်းပခွင့်ရခဲ့ပြီး မန္တလေးမြို့ရှိ မန္တလာသီရိကွင်း၌ ကျင်းပမည်ဖြစ်သည်။

အာရှဘောလုံးအဖွဲ့ချုပ်သည် ဒုတိယအဆင့်ခြေစစ်ပွဲကို အုပ်စုနှစ်စုခွဲ၍ ကျင်းပမည်ဖြစ်သောကြောင့် အိမ်ရှင်နိုင်ငံနှစ်နိုင်ငံ ရွေးချယ်ခဲ့ပြီး မြန်မာ နှင့် ဗီယက်နမ်နိုင်ငံတို့၌ ကျင်းပမည်ဖြစ်သည်။ ဒုတိယအဆင့်ခြေစစ်ပွဲ ကို ဧပြီ၂၆ရက်မှ ၃၀ရက်အထိ ကျင်းပမည်ဖြစ်ပြီး အသင်းရှစ်သင်း ပါဝင်ယှဉ်ပြိုင်မည်ဖြစ်သည်။ ဒုတိယအဆင့်ခြေစစ်ပွဲတွင် သြစြေးတးလျ၊ တောင်ကိုရီးယား၊ ဥဇဘက်ကစ္စတန်၊ မြန်မာ၊ ဗီယက်နမ်၊ အီရန်၊ လက်ဘနွန်နှင့် နီပေါအသင်းတို့ ယှဉ်ပြိုင်မည်ဖြစ်ကာ လေးသင်း နှစ်အုပ်စုခွဲ၍ ကျင်းပမည်ဖြစ်သည်။ ပထမအဆင့်ခြေစစ်ပွဲများကို ၂၀၁၈ခုနှစ်၊ အောက်တိုဘာနောက်ဆုံးပတ်က ကျင်းပခဲ့ပြီး မြန်မာ အသင်းသည် အုပ်စု(စ)တွင် လာအို၊ အီရန်အသင်းတို့နှင့် ကျရောက်ခဲ့ သည်။ ပါလက်စတိုင်းအသင်းနှုတ်ထွက်သွားသောကြောင့် သုံးသင်း သာ ယှဉ်ပြိုင်ခဲ့ရပြီး မြန်မာအသင်းသည် ပထမပွဲတွင် လာအိုအသင်းကို လေးဂိုး – သုံးဂိုးဖြင့်ရှုံးနိမ့်သော်လည်း ဒုတိယပွဲတွင် အီရန်အသင်းကို တစ်ဂိုး – ဂိုးမရှိဖြင့် အနိုင်ရခဲ့၍ အကောင်းဆုံးအုပ်စုဒုတိယဖြင့် ဒုတိယ အဆင့်သို့ တက်ရောက်နိုင်ခဲ့ခြင်းဖြစ်သည်။


မြန်မာယူ-၁၉အမျိုးသမီးအသင်းသည် ယင်းခြေစစ်ပွဲအတွက် စခန်းဝင် လေ့ကျင့်နေပြီဖြစ်ပြီး ပဏာမကစားသမား၂၉ဦး ရွေးချယ်ထားသည်။ မြန်မာယူ-၁၉အမျိုးသမီးသည် ဒုတိယအဆင့်ခြေစစ်ပွဲမတိုင်မီ ပြည်တွင်း၊ ပြည်ပခြေစမ်းပွဲများစွာ ယှဉ်ပြိုင်မည်ဖြစ်ပြီး မတ်လတွင်
ဂျပန် – အာဆီယံယူ-၁၉အမျိုးသမီးပြိုင်ပွဲတွင် ဝင်ရောက်ယှဉ်ပြိုင်မည် ဖြစ်သည်။ ဒုတိယအဆင့်ခြေစစ်ပွဲတွင် အုပ်စုတစ်ခုစီမှ ထိပ်ဆုံးနှစ် သင်းစီမှာ ခြေစစ်ပွဲအောင်မြင်မည်ဖြစ်ပြီး မြန်မာအသင်းအနေဖြင့် နောက်ဆုံးအဆင့်ပြိုင်ပွဲ ယှဉ်ပြိုင်ခွင့်ရရန် အခွင့်အရေးရှိနေသည်။

▪️သတင်း – ရှိုင်းထက်ဇော် (ကြေးမုံ)

9 Shares

Add a Comment

Your email address will not be published. Required fields are marked *